EKKI FARA TIL JAMAICA

Rétt í þessu var verið að vara Breta við að fara EKKI til Jamaica næstu daga, þar bíða menn komu fellibylsins Dean, sem reiknað er með að verði gríðarlega öflugur. Ekki veit ég hversu margir, ef einhverjir, Íslendingar hyggja á frí til Karabíska hafsins nú um eða uppúr helgi, en ástæða er fyrir fólk að kynna sér málið, og íslenska fjölmiðla að vara fólk við. Fellibylur þessi, sem flokkaður er á stærðargráðunni 4, fyrir þá sem það þekkja, er talinn verða mannskæður og geta jafnað byggingar við jörðu þar sem hann nær hámarki sínu eftir helgi.

Enn er leitað 6 manna eftir hótelbrunann í Newquay (frb.Njúkí) í Cornwall í nótt, þar sem einn maður lét lífið og fjórir særðust. Vonast er til að þeir hafi verið úti þegar eldurinn kom upp rétt eftir miðnætti, og verið er að kalla eftir að þeir gefi sig fram svo hægt sé að útiloka að þeir hafi látist í eldsvoðanum. Fjögurra hæða Penhallow hótelið er nú nokkurnveginn hrunið til grunna. Ekki hefur verið greint frá ástæðu brunans.

 

Einn lést og sex saknað eftir hótelbruna á Englandi

FÖÐURMINNING FRÁ PABBASTELPU

    

Í kvöld kveiki ég á kertum við mynd yndislega pabba míns, sem lést þennan dag fyrir 22 árum.

Með óendanlegu þakklæti, virðingu og takmarkalausri ást. Frá Helgu litlu pabbastelpu.

MOGGABLOGGSRITSKOÐUNARYFIRSTJÓRNARNEFNDARMENN, ÉG KREF YKKUR SVARA!

Að gefnum tilefnum, þá spyr ég ykkur fyrir mína hönd og annara bloggskrifara:

1. -Hvað megum við skrifa um og hvað ekki?

2. -Hvar liggja mörkin og hver setur þau?

3. -Er gagnrýni á Moggabloggið, Moggann eða þá sem þar starfa eða stjórna, bönnuð? 

4. -Er bannað að grínast með fréttir mbl.is?

5. -Má setja út á suma pólitík en ekki aðra, og þá hverja og hverja ekki og af hverju?

6. -Má tala illa um suma menn en ekki aðra, og þá hverja og hverja ekki og af hverju? 

7. -Hvað þurfa margir, ef einhverjir, að kvarta yfir tengingu bloggfærslu við frétt til að tengingin sé rofin, eða er það geðþóttaákvörðun Stóra Nafnsins í fyrirsögninni hér að ofan?

8. -Hversu mörg gul spjöld megum við fá áður en okkur er sýnt rauða spjaldið og vísað af velli?

9. -Ætlar mbl.is að beita sér fyrir því að tekin verði upp ritskoðun á Íslandi umfram það sem stjórnarskrá landsins kveður á um?

10. -Hefur Stóra Nafnið leitað álits lögfræðinga á stöðu sinni ef til þess kæmi að útstrokaður skrifari kærði skerðingu á tjáningarfrelsi sínu?

VIÐ BÍÐUM SVARA!

HENRY - BEITTASTI HNÍFURINN Í SKÚFFUNNI

Bloggið hér að framan tileinka ég Bolnum. http://blogg.visir.is/henry

Ég tek undir spurninguna:

-Af hverju var lokað á hann?

Mér finnst þessi vikuvinna hans alger snilld!

(Þori að veðja að það líður ekki langur tími þar til einhver vísar í þessa "rannsókn/tilraun" í lokaritgerð frá H.Í.)

 

WHAT ELSE IS NEW?

Það geta ekki allir verið 90-60-90 eins og ég!  

Kúluvömbin óholl hjartanu

KVALAFULLT AÐ LESA SVONA

Maður er orðinn svo bólusettur sálarlega fyrir öllum þeim viðbjóði í þessum heimi sem maður les daglega í fréttum að fátt kemur manni virkilega úr jafnvægi. Ég er hvorki sálfræðingur né séní, en ég giska á að þetta sé eitthvað varnarmekanik hjá manni til að brotna hreinlega ekki saman í hvert sinn sem maður opnar dagblað eða heyrir fréttir. En þessi voðafrétt var svo hryllileg að ég hreinlega grét við lestur hennar. Þetta er eitthvað það allra átakanlegasta sem ég hef lesið lengi.

Egypsk stúlka lést af völdum kynfæraskurðar

HVAR ER FRÉTTIN?

Ég er kannski bara svona gamaldags, en ég hélt að segði sig nokkurn vegin sjálft að fólk gæfi kynlíf með öðrum en maka sínum uppá bátinn þegar það gifti sig eða kvæntist. Kynlíf með manneskju af sama kyni ætti því að lúta sömu lögmálum, og óþarfi að taka það sérstaklega fram.

Angelina fórnaði ærslunum

SILLY ME

Hermannaveiki sem leggst á lungu? Jahérna, og ég sem hélt að hermannaveikin væri bundin við Reykjavíkurdætur þegar herskipin leggjast að bryggju og kátir dátar ganga frá borði í veiðivon. Þau bregðast líka sjaldan aflabrögðin á þeim miðunum, enda kvótalaus með öllu og stofninn vænn. Og þeir fiska sem róa.

	Íslendingur greindist með hermannaveiki
Ábyrgðarmaður færslu Tenging við þessa frétt hefur verið rofin vegna kvartana.

-HVAÐ SÖGÐU SKEYTIN?

Ég hef verið að fylgjast með umræðunni um óveðrið á Veðurstofunni undanfarna daga. Aðallega gegnum skrif hjá bloggvini mínum og sveitunga, JensAlmáttugum, og sýnist þar sitt hverjum eins og gengur.

En mér datt í hug í framhaldi af því, að á æskuheimili mínu var þess ávallt gætt að alger þögn ríkti í eldhúsinu meðan veðurfréttir voru lesnar. Bændur urðu að heyra spána. En ef einhver missti af veðurfregnunum þá var aldrei spurt hvernig spáin hefði verið, heldur "-hvað sögðu skeytin?".

Gaman væri að vita hvort þetta hafi verið bundið við Skagafjörðinn, eða hvort þetta hefði verið sagt víðar. Ég heyri þetta allavega ekki sagt lengur.

 

TRACES OF BLOOD - EKKI BLÓÐSLÓÐ

Óskaplega finnst mér leiðinlegt að lesa fréttir sem þýddar eru af blaðamönnum sem kunna ekki málið sem þýtt er úr. Í þessu tilfelli er það hreinlega grátlegt hvernig fréttin er gerð svo kolvitlaus að ekki stendur steinn yfir steini. Ef þessi blaðamaður væri einhvers staðar annarstaðar en á Mogganum, þá yrði hann látinn hætta. En hann heldur því miður sennilega áfram að skrifa nafnlaust og segja okkur rangt frá. Örugglega ekki viljandi, hann er bara alls óhæfur í þessu starfi og yfirmenn hans ættu að sjá til þess að hann verði í öllu falli ekki látinn þýða fleiri fréttir.

Hið rétta í málinu er að breskir sérfræðingar fundu leyfar af agnarsmáum blóðdropa á vegg herbergisins þar sem Maddie litla svaf í þegar henni var rænt. Engin blóðslóð liggur frá hótelinu. Þýðandinn á Mogganum hefur haldið að "traces of blood" þýddi að elta mætti blóðslóðina úr herberginu og útúr hótelinu, sem er auðvitað fjarstæða.

Nú á laugardaginn eru liðnir 100 dagar síðan litla stúlkan hvarf. Vissulega hafa foreldrar hennar sætt gagnrýni fyrir að hafa sýnt það dómgreindarleysi að skilja börnin eftir sofandi og gæslulaus í íbúðinni meðan þau snæddu á útiveitingahúsi í 30 metra fjarlægð. Það þarf þetta blessaða fólk að lifa með alla ævi og sektarkenndin nagar þau hverja sekúntu, ofan í lamandi sorgina.

Steininn tekur þó úr í þessari fréttaómynd þegar blaðamaðurinn þýðir það svo að lögreglan í Portúgal hafi þessa nágranna mína (fjölskyldan býr í hálftíma fjarlægð frá okkur hér) grunaða um að hafa ekki hreint mjöl í pokahorninu. Það er fullkomlega fjarstæða og ég var rétt í þessu að sjá viðtal við McCann hjónin þar sem þau eru niðurbrotin og örþreytt, en ákveðnari sem aldrei fyrr að hætta ekki leitinni að dóttur sinni fyrr en hún finnst. Þau sögðu að portúgalska lögreglan væri í góðu og stöðugu sambandi við þau og að hún segði þeim að þeir leituðu enn að lifandi barni, en ekki líki. Guð gefi að þeim verði að ósk sinni og þeir finni þetta litla, fallega barn á lífi.

Telja að Madeleine hafi verið myrt

ENN EINU SINNI ELTIR LÖGREGLAN UNGAN MANN TIL DAUÐA

Hvað þarf þetta að gerast oft til að megi fara að ræða það?

Blessuð sé minning piltsins og samúðarkveðjur til þeirra sem um sárt eiga að binda.

Banaslys á Laugarvatnsvegi

NOSTALGÍA MIÐALDRA MÓÐUR

Verslunarmannahelgin er að baki, reyndar fór hún að mestu framhjá okkur hér í útlöndum. Ekki helgin sjálf auðvitað, hennar nutum við hér í blíðunni, m.a. með að bjóða góðum vinahjónum okkar í íslenska lambasteik með brúnuðum kartöflum, rjómasósu, íslenskri rabbabarasultu og öðru góðu meðlæti. Drukkum "dýrt" rauðvín með sem kostaði heilar 700 krónur í Co-Op, þar sem meðalverð er um 400 krónur fyrir gott matarvín. Borðuðum svo úti í bakgarðinum í 22ja stiga hita klukkan 8 um kvöldið. Röbbittinn! Röbbittinn! 

Maður er orðinn svo rosalega ráðsettur og rólegur á efri árum, en sú var nú ekki raunin hér áður fyrr meðan maður var (barn)laus og liðugur og lífið eitt látlaust laugardagskvöld. Man þá gömlu góðu daga þegar tjaldað var við Miðgarð og djammað út í eitt alla helgina og rétt skroppið heim til að fá sér eitthvað ætilegt og skjótast í sturtu. Eða verslunarmannahelgina sem ég eyddi uppi í Reykholtsdal hjá vinum mínum Óla og Gerðu á Bergi. Þar var sko aldeilis stuð og stemning; mikið drukkið, mikið sungið og mikið riðið út. Og örugglega mikið fleira af mörgu öðru sem orð eru ekki gerandi á hér. Já, í þá gömlu góðu daga.

Hagyrðingasamkoman í Borgarfirði Eystri var það sem helst hefði heillað mig á Íslandi um nýliðna helgi. Það er eitthvað við vísurnar sem er í senn heillandi, grípandi, rómantískt, mystískt, spennandi og óvænt. Ég hef sennilega fengið þennan vísnavírus með móðurmjólkinni því ég byrjaði kornung að safna vísum, stökum, limrum og ljóðum. Man sérstaklega eftir neyðarlegu kæri-guð-láttu-mig-hverfa-núna mómenti þegar ég var ca 12 ára og pabbi heitinn fann stílabókina mína með um 600 númeruðum klámvísum sem ég hafði safnað og skrifað niður með blýanti.

Hvað varð svo síðar um þá bók, ásamt öllum hinum vísnabókunum mínum veit ég því miður ekki. Það var stórt safn og merkilegt, enda hefur aldrei verið skortur á hagyrðingum í Skagafirði. Löngu seinna startaði ég svo vísnaþætti í Vestfirska fréttablaðinu, sem naut mikilla vinsælda. Að öðrum hagyrðingum þar vestra ólöstuðum er mér minnistæðastur Elís Kjaran, en hann var endalaus uppspretta af snjöllum tækifærisvísum. Af snillingum af heimaslóðum er af nógu að taka, en þar voru Jói í Stapa og Kiddi í Gilhaga í sérstöku uppáhaldi.

Það er við hæfi að enda þetta skraf um vísur og verslunarmannahelgar á limru sem ég hef lengi haft dálæti á og tileinka hér manninum mínum yndislega, sem tókst það sem engum öðrum hafði áður tekist; að temja eina tryppið frá Vallanesi sem Eiríkur náði aldrei að gera bandvant. 

Ég aðhefst það eitt sem ég vil,

og því aðeins að mig langi til.

En langi þig til

að mig langi til

þá langar mig til svo ég vil.

 

 

HREINT ÓTRÚLEGUR BJÁNASKAPUR..

... eins og svo margt annað hjá þessum apakattadýragarðsbörnum sem sett eru í það djobb að hafa vit fyrir fullorðnum Íslendingum. Hér í Englandi ætluðust fávísir stéttbræður apanna til að fólk hætti bara að reykja og allir myndu sitja sælir og sáttir við sínar kollur á umhverfisvænum hverfispöbbunum. Það var auðvitað misreiknað eins og flest hjá þessum yfirborguðu jakkafatatrúðum. Þeir pöbbar sem ekki hafa bjórgarða og útihúsgögn húrra nú á hausinn hver af öðrum og götudrykkja og útifyllerí fullorðinna horfir til vandræða. Svo ekki sé nú minnst á sóðaskapinn af filterum og glerbrotum sem nú er aðal dekkorinn í kringum staði sem áður voru spikk og span. Svona "nanny state" fíflagangur er ekki til annars en að pirra fólk sem annars er seinþreytt til vandræða.

 (Myndir: 1. Mack nágranni okkar brosir út að eyrum, enda með kolluna sína. Hann reykir ekki og segist vera orðinn einmana. 2. Við hjónin að njóta góðra veitinga á matsölustað meðan ennþá mátti reykja innandyra. Núna eigum við Jameson á heimabarnum.)  

Bannað að taka drykki með sér út af veitingastöðum

BLOGGAÐ Í BOÐI HÓMERS

Maðurinn minn er einmitt rétt farinn út um dyrnar með börnin til að sjá Simpsons bíó. Þótt veðrið sé nú loksins orðið gott eftir endalausa rigningu, þá fannst okkur óvarlegt að gera eitthvað með þeim úti því þau eru rétt að jafna sig greyin eftir flensuskít með tilheyrandi leiðindum. Þetta með að þora ekki að leyfa börnunum út er nú reyndar sennilega eitthvað sem situr eftir í manni frá Íslandi, því nú er heitara úti en inni og lítil hætta á ofkælingu.

Sumarfríið hjá krökkunum hófst í síðustu viku og þá tók bóndinn sér einnig tveggja vikna frí. Síðan þá höfum við gert eins margt skemmtilegt saman og veður hefur leyft, m.a. farið í bíó, skemmtigarða og garðveislur hjá vinum. Ungir vinir hafa fengið að gista, vöfflur bakaðar og Hómer brenndur í heimagerðan leir.

Amma í Skagafirðinum hringdi svo um daginn og "gerði mig happiest litlu stelpuna í öllum heiminum" þegar hún bauð Rósuskottinu að koma og vera hjá þeim afa í smá tíma í sveitinni. Hún er nú bráðum átta og kallar sko ekki allt ömmu sína þótt ömmurnar hennar séu "bestu konurnar í heiminum fyrir utan mömmu".  Hún fer því í sína fyrstu Íslandsferð "alein með Kristjáni", sem hlakkar mikið til að hitta pabba sinn og stjúpu, og ekki síst að sjá nýfædda systurdóttur sína sem hann er að rifna af stolti yfir.

Við hjónakornin vorum líka afskaplega stolt af ungunum okkar þegar þau komu heim með hæstu einkunnir og hrós fyrir dugnað og prúðmennsku í skólalok. Ákváðum að verðlauna þau með risastóru trampólíni sem nú tekur upp hálfan bakgarðinn. Ekkert "leikfang" hefur verið jafn vinsælt og þetta. Við gerðum okkur alveg grein fyrir því að þetta kostaði aukin gestagang, en ekkert hefði getað búið okkur undir að kynnast helmingnum af börnum bæjarins á einni viku... Ef það væri ekki fyrir fjögurra metra hátt öryggisnetið umhverfis þetta hoppitól, þá hefði ekki bara rignt vatni í garða nágrannanna heldur fljúgandi krökkum í ofanálag. 

Ég ætlaði að vera dugleg meðan Einar færi með krakkana á Simpsons, þvo ferðaföt og pakka niður fyrir Íslandsfarana mína. En þá gafst líka kærkomið næði til að slappa af og blogga nokkur orð...

 

Simpsons fjölskyldan vinsæl hjá kvikmyndahúsagestum vestanhafs

FRIÐURINN ÚTI Á "LITLA" ÍSLANDI

Það bæði hryggir mig en hræðir enn frekar að sjá að "litla Ísland" náði ekki að standa utan vandræða af þessum toga lengur en raun ber nú vitni.

 -Hvað segja fylgismenn moskanna nú? 

Meintur hryðjuverkamaður hringdi frá Íslandi

TOLD YOU SO

Ég get ekki stillt mig um að benda ykkur á þessa frétt frá í dag.

 Hef ekki tíma til að blogga mikið því ég er með næturgesti. Vinkona mín hér neðar í götunni lenti í gasleka og þær mæðgur bætast í fjölskylduna hér meðan gert er við. Svo bíð ég bara eftir hringingu frá Einari mínum að hann sé lentur heill á húfi. Kv.-H

Klerkur í Pakistan biðst griða

MOSKUR + MÚSLIMAR + KVENFYRIRLITNING

Umburðarlyndi og fordómaleysi eru góðir eiginleikar og fallegir, svo framarlega að skynsemin sér þar í nágrenninu. Það er þó ekki þar með sagt að við eigum að umbera hvað sem er, bara til að sýnast "góð og víðsýn".

Mikil og heit umræða hefur skapast hér á bloggsíðunni vegna andstöðu minnar og yfirlýstrar andúðar á því að leyfa múslimum að byggja moskur á Íslandi. Því það yrði ekkert bara ein, þegar fordæmið væri komið og leyfið fyrir hendi. Í kjölfarið kæmu svo að sjálfsögðu bókstafstrúarklerkarnir sem eru yfirmenn þessara moska, og stýra bænahaldi þeirra manna sem þar koma saman. Karlmanna, því konur fá ekki inngöngu í moskur til annars en að þrífa.

Það er mikill barnaskapur á halda að öfgafullir múslimar komi til með að haga sér eitthvað betur á litla, fallega Íslandi en annars staðar. Bókin sem þeir lifa eftir, Kóraninn, á sér lög sem þeim ber að hlýða í einu og öllu. Það gengur upp (fyrir karlmennina) í þeim löndum sem Múhameðstrúin er allsráðandi, í orðsins fyllstu merkingu. En þegar lögin þeirra stangast á við landslög þeirra þjóða sem þeir taka sér bólfestu í, þá gilda lög Kóransins. Það sýna dæmi annarra vestrænna ríkja með afdrifaríkum og oft afar sorglegum hætti. Stúlkur eru neyddar í hjónabönd og vei þeim sem neita eða þrjóskast við. Ég vara viðkvæma fyrir þessu myndskeiði, sem sýnir 17 ára stúlku grýtta til dauða í Írak vegna þess að hún hafði orðið uppvís að því að verða ástfangin af pilti sem tilheyrði ekki í sama trúflokki. http://qubetv.tv/videos/detail/180

Þó þessi hryllingur sé ekki látinn viðgangast hér, þá fremja ofstækisfullir múslimar þúsundir "ærumorða" á konum og stúlkum á ári hverju á vesturlöndum. Aðeins brot af því kemst í fréttirnar.

Ég kvet Íslendinga til að horfa til reynslu annarra þjóða og endurskoða hug sinn og umburðarlyndi í þessum málum. Við höfum dæmin allt í kringum okkur, en við eigum ennþá möguleika á að stoppa þessa þróun á Íslandi áður en í óefni er komið. Segjum NEI við moskum á Íslandi!

 

Fimm létust í sjálfsvígsárás

ÍSLAND ER TIKKANDI TÍMASPRENGJA

Samfélag múslima hefur sótt um lóð í Reykjavík til að byggja þar mosku. Gera Ísland að gósenlandi fyrir hreintrúaða Múhameðstrúarmenn. Það trekkir auðvitað að ennþá fleiri og ennþá heittrúaðri múslima sem koma saman í moskunum og ráða ráðum sínum. Fara í einu og öllu eftir boðskap sinnar biblíu, Kóraninum:

Vers 9:123 - "Believers, make war on the infidels who dwell around you."

Vers 47:3 - "When you meet the unbelievers in the battlefield strike off their heads and, when you have laid them low, bind your captives firmly."

Vers 48:29 - "Muhammad is Allah's apostle. Those who follow him are ruthless to the unbelievers but merciful to one another."

Tja, þá held ég að verði nú fjör á Íslandi. Þetta er það sem þeir kalla sjálfir trúarbrögð friðar og réttlætis.  -Ætli hinir umburðarlyndu og gestrisnu Íslendingar fari nú ekki aðeins að klóra sér í kollinum og lesa sér til?

Al-Qaeda skipuleggur stórbrotnar árásir í sumar

HRYÐJUVERK Í DANMÖRKU?

Sprengja springur í mannlausu (guði sé lof) húsi skammt frá Árósum á sama tíma og múslimskir hryðjuverkamenn gera árásir í London og Glasgow. Vitað er að þessir brjálæðingar eru með frekari ódæði í farvatninu og allar öryggissveitir eru í viðbragðsstöðu á "red alert".

 Hús þetta í Danmörku er í mínútufjarlægð frá íslenskri konu, Margréti Sæberg, sem býr þar í raðhúsi. Hún segir fólk vera óttaslegið og í sjokki eftir atburinn, enda húsið jafnað við jörðu svo að eftir stendur múrsteinshrúgan ein. Sjónarvottar kváðust hafa séð 3 menn hlaupa af vettvangi í nótt, þó ekki hafi það fengist staðfest af lögreglu.

Um leið og fréttin birtist, þá dyrfist Íslendingur að skrifa á vef sínum, eftir að hafa sagt að þessi frétt væri bjánaleg í alla staði:

"Hryðjuverkaógn hins vestræna heims er fjöldaframleidd af fréttamönnum sem vilja hræða almenning til lesturs." 

-Hvað er að svona fólki og hvað gengur því til?  Ég á bara varla orð í eigu minni yfir svona ótrúlegri heimsku.  Alveg hreint með ólíkindum!

 

 

Íslendingur óttasleginn eftir sprengingu í Danmörku

SÆKJA ÞEIR ÍSLAND HEIM?

Múslimsku hryðjuverkamennirnir sem gerðu sjálfsmorðsárás á Glasgow flugvellinum í gær voru ekki búsettir í Skotlandi. Samt sem áður létu þeir það verða sitt síðasta verk að "heimsækja" landið í þeim tilgangi einum að drepa sem flesta um leið og þeir fórnuðu sjálfum sér.

Að vísu lifðu þessir glæpamenn árásina af, en þó þeir hafi nú verið teknir úr umferð og vinni væntanlega ekki fleiri "verk", þá er enginn hörgull á múslimskum "verkamönnum" sem eru tilbúnir að halda áfram þar sem þessir hættu.

-Viljum við þessa múslima í "heimsókn"? 

-Á gestrisni Íslendinga eftir að kosta þá lífið? 

 

Hryðjuverkamennirnir í Glasgow voru ekki Skotar