BLEKPENNI

7.6.2008 | 21:23

47 kíló til Íslands takk

... og 50 til baka viku seinna! pigsflying

	Farmiðaverð eftir þyngd
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Ætlarðu að borða svona mikið?

Hrönn Sigurðardóttir, 7.6.2008 kl. 22:03

Já sko og fara létt með það. Ég er yfirleitt nokkuð látlaust á beit þegar ég kem til Íslands og bæti á mig að meðaltali hálfu kílói á dag. Það er eins gott að maður er sjaldan mjög lengi í einu...

Helga Guðrún Eiríksdóttir, 7.6.2008 kl. 22:09

Vonandi verða Íslendingar farnir að flytja inn kjúklingabringur áður en þú kemur næst ! - Þú manst Guðni fyrrv. Landbúnaðarráðh. og hans fylgifiskar, nota það sem rök á móti því að leyfa innflutning, þeir halda því fram, að það séu svo miklar salmonellur í erlendum kjúklingum, - þannig að ef þú getur borðað innflutta kjúlla hér líka þá fitnarðu ekki ! - Sama verð fram og til baka.

Lilja Guðrún Þorvaldsdóttir, 7.6.2008 kl. 23:13

Ississ, ekkert mark takandi á þér skutla, þetta er íslenska brennivínið og bjórinn sem þú felur innanklæða + það sem búið er að innbyrða!

Magnús Geir Guðmundsson, 7.6.2008 kl. 23:19

Ha? 47 kíló? Er Nicole að koma?

Yngvi Högnason, 7.6.2008 kl. 23:57

Þeir gætu nú þurft að flýta sér þá Liljan mín, aldrei að vita hvenær maður dúkkar upp. En ég eldaði annars albreskar kjúkksabringur fyrir fjölskylduna í kvöld, það hefur mér vitandi enginn orðið veikur af því kokkeríi mínu enn og þó hafa margir borðað. Ég er reyndar að hugsa um að birta uppskriftina mína hérna á morgun eða fljótlega í síðasta lagi af þeim marineruðum. Myndi þá efna gamalt loforð (hótun) við marga í einu.

Magnús, ég er löngu vaxin upp úr því að fara á fyllerí í flugferðum. Nú kannski rétt leyfir maður sér eitt lítið hvítvínsglas með matnum og ef maður ætlar að lifa ferlega hættulega þá fær maður sér einn grand með kaffinu. En þegar maður er miðaldra kona og búin að ganga með og fæða börn þá er blaðran ekkert að bjóða uppá neinn lúxus í millilandaferðum.. ef þú skilur mig ljúfurinn. Þannig að oftast fær maður sér bara tyggjó.

Yngvi... ekkert. Ég elska þig líka.

Helga Guðrún Eiríksdóttir, 8.6.2008 kl. 00:32

Heil og sæl; nafna og aðrir skrifarar !

Andstyggð mikil; er að lesa skrif Lilju Guðrúnar, hverja ég mat mikils, í ýmsum leikverkum hennar, fyrr á tíð.

Hún hefir víst lítið; borgarbarnið, sett sig inn í líf og störf bænda, þessi ágæta kona, líkast til. Henni, sem öðrum fáfróðum, og velunnurum Vestfirzka skelmisins Einars Kr. Guðfinnssonar, og andskotans kratanna, til upplýsingar, má geta þess, að baki hvers bónda, búa 5 - 6 önnur störf, a.m. k., eða frá slátrara til bókhaldara.

Hygg; að ég þurfi ei meira, að telja, um hríð.

Með beztu kveðjum; samt, úr Árnesþingi / Óskar Helgi Helgason

Óskar Helgi Helgason (IP-tala skráð) 8.6.2008 kl. 00:45

Óskar Helgi, djúpt inn hægt út djúpt inn hægt út.. endurtakist eftir þörfum.. anda sko - í þetta skiptið! Ég ber ómælda virðingu fyrir Lilju Guðrúnu, bæði sem manneskju og listamanni. Auðvitað er ég ekkert alltaf sammála henni frekar en öðrum þá þoli ég ekki að henni sé sýnd óvirðing vegna skoðanna sinna. Ég bið hana hér með afsökunar fyrir mína hönd og mér þætti þú maður að meiri ef þú gerðir það líka, minn kæri og mikils metni bloggvinur, Óskar Nafni.

jaherna, nei en mér fannst mikill fengur að henni og setti hana í Favorites. Bestu þakkir, þú blíði austanblær.

Helga Guðrún Eiríksdóttir, 8.6.2008 kl. 02:10

Heil og sæl; á ný, nafna og aðrir skrifarar !

Sé íslenzkri bændastétt - sjómönnum, sem öðrum verðmætanna sköpurum sýnd sú virðing; sem þeim sannarlega ber, jafnt af Lilju Guðrúnu Þorvaldsdóttur, sem og öðrum þeim, sem plagast vilja, til Íslendinga að nefnast, að þá skal ég, vera meira en dús, jafnt hina ágætu listakonu, sem aðra þá, sem lesa þessi orð mín, hér með, öldungis. Hvað hver; og einn skoði, sérdeilis.

Hverfi framleiðslustéttirnar, burðarásar mannlífs og menningar, er úti, um þjóðerni okkar, sem tilvist alla, sem Íslendinga, að fornu og nýju.

Með beztu kveðjum, sem jafnan / Óskar Helgi Helgason

Óskar Helgi Helgason (IP-tala skráð) 8.6.2008 kl. 02:40

Og eins og jafnan, elsku Óskar Helgi minn, með fullri virðingu fyrir þér og þínum einörðu skoðunum sem ég hef að hluta til tekið undir heils hugar en minna að öðru leyti eins og gengur... sem bóndadóttir og ættjarðarelskandi öskurapa frá útlöndum þá tek ég auðvitað heilshugar undir með þér varðandi ugginn um mögulegt hvarf framleiðslustéttanna og afleiðingar þess. Á sama tíma get ég auðveldlega horft á málið út frá sjónarmiði neytandans.

En ég held að það sé hérna, eins og í flestu, hægt að finna málamiðlanir sem báðar fylkingar myndu getað sætt sig við og vel við unað. Rifrildi leysast aldrei meðan fólk öskrar á hvort annað. Það er ekki fyrr en sest er niður og málin rædd af skynsemi og yfirvegun með beggja hagsmuni að leiðarljósi að niðurstaða getur fengist sem allir eru kátir með. Það heldur nú hún Helgan hérna um H-nótt í Langtbortistan.

Helga Guðrún Eiríksdóttir, 8.6.2008 kl. 03:04

Hugtakið " yfirvigt " fær alveg nýja tengingu....

Haraldur Davíðsson, 8.6.2008 kl. 03:38

Skarplega athugað, Mr. Davíðsson.

Helga Guðrún Eiríksdóttir, 8.6.2008 kl. 03:43

..Þakkir...

Haraldur Davíðsson, 8.6.2008 kl. 03:55

tsp141jpg

Helga Guðrún Eiríksdóttir, 8.6.2008 kl. 05:11

Seisei, hef nú hitt margar "fyrrum óléttar" og þær verið eldri en þú og samt "Fullar á flugi", hehe!

En það eru læti hérna í karlinum Óskari Helga út í hina nafntoguðu og glæstu leikkonu og nöfnu þína líka sem hann, Lilju Guðrúnu. Verð nú óbeðin að bregðast örlítið við því!

Ósköp Skari æmtir heitt,

ekki sparar heldur raus.

Þannig marar út í eitt,

eins og svarin þöngulhaus!

Annars sá ég það fyrir skömmu einhvers staðar, að Lilja á stórafmæli í leiklistinni í ár, 30 ár frá því hún útskrifaðist sem leikkona.

Ekki úr vegi að láta hamingjuósk með það fljóta hér með!

Magnús Geir Guðmundsson, 8.6.2008 kl. 15:44

Heil og sæl; enn, nafna !

Líkast til; mætti ég þakka almættinu stórum, byggi ég yfir andagift skáldskapar gáfunnar, sem Magnús Geir Guðmundsson, er svo ríkulega gæddur. Um leið; og ég vil þakka honum kersknina, sem aldrei er of mikil, hér á síðum, tek ég undir árnaðaróskir hans, og ykkar hinna, til handa hinni ágætu listakonu; Lilju Guðrúnu Þorvaldsdóttur.

Lifi hún heil, sem hennar slekti allt !

Með beztu kveðjum, sem ætíð / Óskar Helgi Helgason

Óskar Helgi Helgason (IP-tala skráð) 8.6.2008 kl. 17:18

sunday sunday pink butterfly