Væri ekki gaman að vakna og vita að maður kæmist allt með vindinum. Líka í logni.

  

Þannig vinnur hugarheimur Skógardísanna.

Þeim eru allar leiðir fleygar.

Líka í logni.

Gibson leikur í næstu mynd sinni

Athugasemdir

[Lilja Guðrún Þorvaldsdóttir, 30.4.2008 kl. 01:58]

Svona leysti ég, líka, mínar martraðir, í draumum mínum, þegar ég var lítil, ég synti bara í burtu. - Núna mundi maður segja, ég svíf, á braut, eða, ég gríp sundtökin,  og svífsyndi, upp í himinhvolfið. -  Þannig leysti ég mig burt frá angistinni þegar ég var hrædd um líf móður minnar, þar sem hún háði sitt fyrra stríð við manninn með ljáinn, og hún sigraði, þann bardaga. -  Og ég sveifsynti inn í lífið aftur.  Og hef haldið mig þar síðan. Held ég!   

[Helga Guðrún Eiríksdóttir, 30.4.2008 kl. 02:29]

Þú ert yndisleg, Lilja mín. Það er gott að sjá að það eru fleiri sem eiga sundtök eða vængi uppí hugarheima. Í þeim heimi eru margir fínir salir og fögur náttúra, hallir, kofar, ævintýri og ástir, fólk sem faðmar og enginn skammar mann. Og alltaf stutt að fara.

[Lilja Guðrún Þorvaldsdóttir, 30.4.2008 kl. 18:13]

Einmitt Helga Guðrún vissi að þú mundir þekkja þetta, jafn yndisleg og þú ert sjálf.