BLEKPENNI

21.4.2008 | 23:33

GOING MENTAL - á Grindafjordhurdhur

Enn einn æsispennandi (!) dagurinn var að nóttu orðinn og ég lá í dyngju minni og dreymdi villta dagdrauma áður en en svefninn tæki við með hina draumana, sem ég get heldur ekki sagt ykkur.. Tounge

Kallinn löngu sofnaður og krakkarnir auðvitað líka. En rétt í draumaskiptunum þá heyrði ég sungið glaðlega á íslensku "Krummi svaf í klettagjá.. kaldri vetrarnóttu á.." Ég umlaði ánægjulega, sofna nefnilega oft út frá útvarpi Sögu á netinu og koddaröddin hans Markúsar er alveg sérlega ljúf að sofna og vakna við. Þannig að þegar ég heyrði "Krumma" þá hélt ég að nú væri bara Krúsi búinn og Sigurður G tekinn við. Það er ljúft líka oft.. þegar hann talar, alltsvo. Djassinn hans getur náttúrlega drepið drauga, en það er önnur saga.

Allt í einu áttaði ég mig á að "Krumminn" kom úr sjónvarpinu. Það var öllu dularfyllra, svona miðað við að vera "í útlöndum". En fyrir rest fattaði ég að þetta var þessi líka flotta sjónvarpsauglýsing fyrir Mentos, litlu nammikoddunum sem fást heima líka. Þetta var sl nótt og í morgun fór ég um gervallt Jútjúb og slæddi af mér allann grun um að þetta væri komið á netið.

En ég fann bara Grundarfjörð í búningi sem ég hef ekki séð hann áður, en það var alveg heimsóknarinnar virði. Um leið og auglýsingin kemur á netið þá læt ég ykkur vita. Það var nefnilega þræl sniðugt að sjá alla Íslendingana hlaupa og syngja í snjónum og heyra svo slagorðið í restina:

Mentos - GOING MENTAL! W00t