Björgum íslenska karlmanninum! Frá hverju? Femínösnum - og kynlegri útrýmingu, ef þær fá einhverju ráðið!

Ég elska íslenska karlmenn. Mér finnst þeir æðislegir. Það segi ég og skrifa!

  Kinnroða- og kaldhæðnislaust og algerlega án þess að votti fyrir skítaglottinu sem gjarnan skreytir á mér snjáldrið.

  Ég elska íslenska karlmenn! Og fyrir svo ótal margt. Þeir eru yfirleitt blátt áfram og blönt, kurteisir ef þeim er ekki gefið tilefni til annars, stórir, sterkir, úrræðagóðir og yndislega ofvirkir þegar á þarf að halda. Ég elska karlmennsku þeirra og frumstæðan kraftinn innra með þeim. Orkuna úr augnaráðinu - eldinn sem kveikir í mér þrána til að kasta mér á bálið og dansa logandi, óbeisluð og ástríðufull.

  Íslenskir karlmenn eru hvetjandi, hrósandi, áhugasamir og opnir fyrir nýjum hugmyndum. Þeir eru framtakssamir og frakkir; ef þeim líst vel á uppástungur þá flækja þeir ekki málin í endalausu kjaftæði um útfærslur eða sprengja héralegar úrtölubombur þar til maður er ýmist dauður úr leiðindum eða einhver annar búinn að stela glæpnum.

   Íslenskir karlmenn eru hugrakkir og hreinskilnir, segja það sem þeir meina og meina það sem þeir segja. Þeir eru skemmtilegir, húmorískir, kynþokkafullir, ljúfir, blíðir, verndandi, ákafir, rómantískir, einlægir og auðlesnir.

 Ég les karlmenn eins og spennusögu - á meðan ég er nánast ólæs á konur. En mikið er yndislegt að vera kona. Kvenleg kona. Blíð eða blúnda - elskuð eins og ég er.

 Íslenskir karlmenn eru einstakir. Spennandi, heillandi og búa yfir dularfullu aðdráttarafli og göldróttum náttúrukröftum. Þeir eru töframenn og töffarar. Ótrúlega sexy, sjarmerandi, smekklegir og smart. Þeir eru í sérflokki og annarra þjóða karldýr komast ekki með tærnar þar sem víkingarnir okkar hafa hælana.

 Íslenskir karlmenn eru fallegustu karlmenn í heimi. Yfirburðirnir eru svo augljósir að samanburður við erlenda karlmenn er næstum ósanngjarn. 

  Þeir eru prinsar og hetjur. En umfram allt eru þeir tilfinningaríkar og yndislegar manneskjur sem verðskulda að vera metnir út frá eigin verðleikum, hver og einn. Elskaðir eins og þeir eru, fyrir það sem þeir eru, vegna þess sem þeir eru. Þeir verðskulda að við hvetjum þá, hrósum þeim, stöndum með þeim. Vinnum með þeim og fyrir þá, önnumst þá, hjúkrum þeim og hjálpum eftir getu okkar og aðstæðum. Kennum þeim og lærum af þeim, hlustum á þá og hlúum að velferð þeirra. Umberum þá upp að mörkum skynsemi og berum virðingu fyrir þeim meðan þeir eru virðingar verðir.

   Ég gæti haldið áfram að telja upp það sem við ættum að gera fyrir -við og með  karlmönnunum okkar íslensku þar til þið bæðust vægðar eða ég orðin græn í framan, hvort heldur kæmi á undan.

  En rétt áður en líður yfir femínasnana, - tja eins og það gæti nú verið gaman að sjá það, sérstaklega ef þeir rækju hausinn í eitthvað nógu hart í fallinu til að vakna úr "RefsumFyrirSyndirFeðranna!"-fortíðarmartröðinni sem þeir eru fastir í, - þá bendi ég þeim á að allt þetta ofantalda gera karlmenn fyrir okkur. Og eru löngu farnir að gera. Þetta er svona; allt sem þér viljið að þeir/þær gjöri yður, það skulið þér og þeim gjöra-dæmi sem flestir eru farnir að tileinka sér og finnst ekkert tiltökumál. Það vita flestir - þó ekki femínasnarnir.  Og hér endar með öllu samlíking við aðrar ritningar en mínar eigin.

      Það eru nefnilega þurrklofa og þurfandi, bitrar, beiskar og tussutístandi femínasnabeljur af báðum kynjum sem eru ennþá svo rígfastar í forneskjunni að þær átta sig ekki á því að það hallar ekki lengur á konur í jafnréttismálum á Íslandi, reyndar síður en svo! 

  Íslenski karlmaðurinn er orðinn minnihlutahópur sem á í vök að verjast, meðal annars vegna öfugrar mismununar, eða hvað þessi bjánaregla heitir sem heimtar að ráða kvenmann í uppskipun ef valið stendur á milli karls og konu og konur væru í minnihluta á bryggjunni!  -Hvaða dauðans fábjánum dettur svona rugl í hug, hvað þá að brokka með það alla leið í lög??

- Jú, mikið rétt: Femínösnum! 

  Það eru femínasnar sem eru að ganga að jafnrétti á Íslandi dauðu! Og láta aldeilis ekki þar við sitja heldur virðast þeir óþreytandi í hatrammri aðförinni að karlmönnum sem karlmennum. Með háði og glósum og hálfkveðnum rýtingsrímum fengu þeir því áorkað, illu heilli, að margir karlmenn hættu að þora að vera herralegir við konur. Þeir vissu ekki lengur í hvorn fótinn þeir áttu að stíga. Hafa sjálfsagt vitað sem var að þessi rætnu rímnaskáld væru í minnihluta en nú var allt orðið mögulegt hættusvæði og engum bar saman um landamæri.

  Skilaboðin voru misvísandi og allt í einu var rangt orðið rétt og rétt var allt að því glæpur. Af tvennu illu gæti karlmaðurinn metið það öruggara útspil að leika tígulgosann og taka séns á að "kunna sig ekki" heldur en vera hjartakóngurinn eins og honum var þó eðlilegt. En að verða það á að draga fram stólinn fyrir dömu sem hann býður út að borða og uppskera hýenuhlátur og spurningu hvert hann ætli með hann - um leið og hún hlammar sér hinum megin við borðið og kveikir sér í vindli... Það sem áður hefði verið afslappað og rómantískt dinnerdeit er orðið rússnesk rúlletta með djöflinum. Þökk sé femínasnafávitunum!

 Herramennskan, eitt það fallegasta og mest hrífandi í fari karlmanna. Það sem gerir flestum konum gleðiefni að vera dömur og fagna sínu kvenlega eðli. Sem er ekki til, samkvæmt þessum morðýtum. Og ef femínasnar fengju sínu framgengt þá yrði þess ekki langt að bíða að karlmenn yrðu orðnir eins og hálfkellingar og viðrini sem vita ekki hvort þeir eiga að fara í boxera eða blúndubrækur. Karlmenn myndu hverfa og eftir standa svona "kerlar" eða "karlíngar" sem enginn vissi hvers kyns væru og flestum væri sama.

 Enn er margt óupptalið hérna af því sem femínasnar hafa nú þegar gert okkur Íslendingum til skaða. Því auðvitað er það ekkert bara karlmennirnir okkar sem gjalda glæpanna. Það er inngrónu hatri þeirra og viðbjóði á karlmönnum að kenna að nú þora feður ekki lengur að baða börnin sín, leyfa litlu pabbastelpunum að koma í pabbaholu í knús, faðma unglingsdætur sínar eða gantast við vinkonur þeirra. Femínasnaskæruliðar eru nefnilega búnar að læða þeim grun inn hjá "grandvörum almenningi" að allir karlmenn séu mögulegir barnaperrar og níðingar sem sitji um tækifæri til að fá óeðli sínu útrás.

  Jafnrétti er eitthvað sem flestum Íslendingum þykir sjálfsagt og nauðsynlegt réttlætismál. Feminismi er hins vegar að verða að þjóðfélagsmeini sem þarf að uppræta. Mistök sem þarf að leiðrétta. Það vita allir nema femínasnar með minnimáttarkennd að ekki er mælanlegur munur á vitsmunum kynjanna. Við erum hins vegar líkamlega nægilega frábrugðin til að hafa hingað til getað haft af hvort öðru gagn og gaman, svona auk alls hins. En þegar búið verður að heilanauðga konum til að skammast sín fyrir kvenleika sinn nógu lengi til að varla verður hægt að kyngreina þær frá píkulegum körlum með maskara, þá munu femínasnarnir halda sína sigurhátíð.

  Ég vil að karlmenn séu karlmannlegir, konur kvenlegar og börn hafi aðgang að atlotum feðra sinna. En kannski er það viðhorf nú þegar orðið úrelt og gamaldags.  Kannski er ég bara svona rosalega úrelt og gamaldags sjálf. Mér finnst nefnilega yndislegt að vera kona, og mér hefur aldrei fundist ég þurfa að fara úr mínum dömulega blúndubúningi til að skiljast eða vera álitin marktæk. Ég geri líka frekar ráð fyrir að einhver "vel meinandi" femínasni bendi á að orðaval mitt og pennasiðir séu nú ekki beint dömulegir. Þeir um það, ég var í rosalega sexy og dömulegum babydoll náttkjól þegar ég skrifaði þetta og fílaði mig algera blúndudúkku. 

Hin vísu lokaorð: Björgum íslenska karlmanninum! *** Björgum dömum og herrum!

  Elskan - þú ert namm! 

 

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

 

Skeggbroddar leiðin til að vinna hjarta konunnar

Athugasemdir

[Brynjar Jóhannsson, 2.7.2008 kl. 19:43]

Það er einn púngtur sem ég las hjá þér Helga sem mér þótti virkilega vænt um að heyra varðandi íslenska karlmenn... "Íslenskir karlmenn eru kurteisir ef ekki er gefið tilefni til annars". Ég segi það og skrifa að í þau skipti sem ég HELLI MIG YFIR vissar kellingartíkir er einmitt vegna yfirgangs og ruddaskaps sem ég hef fengið að heyra af þeirra hálfu. Oft koma það sem niðrandi en lúmsk skot eða þá í framkomu sem engin karlmaður myndi sýna öðru fólki. Honum yrði einfaldlega stungið inn á hæli.

[Brynjar Jóhannsson, 2.7.2008 kl. 19:43]

Ef ekki er gefið tilefni til annars ætlaði ég að skrifa..

[Markús frá Djúpalæk, 2.7.2008 kl. 20:01]

Svalur er ekki svalur nema svalt sé cool
Beib verður alltaf beib nema hún sé megabeib
Þú ert ekki ég nema ég sé þú
Hættu nú þessu kjaftæði og komdu nú

Komdu aðeins nær mér
saman tökum djamm
Þú bragðast eins og konfekt
elskan þú ert namm
elskan þú ert namm

Eins og Greifarnir sögðu hérna um árið

[Hrönn Sigurðardóttir, 2.7.2008 kl. 21:36]

Já - Greifarnir voru miklir kvæðamenn!

En annars er ég nokkuð sammála þér! Ég er þeirrar skoðunar að drengir séu markvisst brotnir niður í íslensku skólakerfi. Allt frá því að þeir koma úr leikskóla. Þeir eiga svona að "halda kjafti, hlýða og vera góðir...." Á meðan stelpur komast endalaust upp með pískur og meinlæti - bara vegna þess að það eru ekki læti í þeim......!?

Þeir alast upp með konum - innan um konur og við konur. Þá er ég að tala um leikskólafóstrur- kennara, mæður, ömmur og frænkur.....

Allt of fáir karlmenn koma við sögu í þeirra lífi!  Þetta var stuttur úrdráttur af sorglegri staðreynd í boði rauðsokku ;)

[Sigurbjörn Friðriksson, 2.7.2008 kl. 21:44]

Elsku hjartans Helga Guðrún!

Ég tók þetta allt til mín frá upphafi þar til þú varðst græn.  Eftir það var ég bara hjartans sammála þér.

Góðar stundir,

Björn bóndi.

[Sigurbjörn Friðriksson, 2.7.2008 kl. 21:51]

Hrönn rauðsokka!!!  Þetta voru orða að sönnu!!  Takk fyrir að deila þessu.  Ég vissi ekki að það væru til "góðar" rauðsokkur".

Ég þekki mýmörg dæmi líkt því sem þú minnist á, drengjum sem var "forðað frá" að alast upp of nálægt karlmönnum, "til að verða ekki svona ruddar" o.s.frv.

Bless,

Björn bóndi.

[Yngvi Högnason, 2.7.2008 kl. 22:32]

Ég verð alltaf hálf vandræðalegur þegar konur falla svona fyrir mér. Þetta er nokkuð nákvæm lýsing á mér þarna í fyrri partinum,við hvern talaðirðu? Varðandi orku í augnaráði, þá myndirðu sjá hana þegar ég liti upp til þín.Ég myndi hvetja þig við eldavélina og hrósa þér fyrir uppvaskið.Ég myndi koma með uppástungur um mismunandi ísrétti án þess að vera letjandi við framtak þitt.Ég er hugrakkur,hef t.d. oft sagt fólki hvernig á að losa sig geitunga ef að ég þarf snögglega að fara.Ég er þó nokkuð kynþokkafullur þegar ég man eftir að halda í mér andanum.Ég er blíður,ljúfur,rómantískur og ákafur,úps,búinn.Ég er ótrúlega sexy,sjarmerandi töffari,ef að það eru ekki einhver fífl að þvælast nálægt mér og skemma allt.
Já, ég held að ég hafi þetta allt. Prince charming, það er ég.

[Gunnar Th. Gunnarsson, 2.7.2008 kl. 23:01]

 Íslenskir karlmenn eru sko alls engar gungur

[Helga Dóra, 2.7.2008 kl. 23:24]

Meira um að kallarnir séu að svara þér og taka þetta allt til sín    Ég er rosalega sammála þér í einu og öllu.......

ÉG ELSKA LÍKA ÍSLENSKA KARLMENN......

Enda ekki reynt annað síðan ég var 14 ára.........

Heima er best, veljum íslenskt og allt það........ 

[Viðar Freyr Guðmundsson, 3.7.2008 kl. 00:23]

Feminasnar hata karlmennskuna og vilja breyta íslenska víkingnum í metró-mann.

[Andrea, 3.7.2008 kl. 01:07]

Ok, ég get alveg tekið undir lýsinguna á íslenska karlmanninum, svona almennt. Auðvitað til einstaklingar sem fæst þessara lýsingarorða eiga við alveg eins og það eru til konur sem ekki er hægt að nota mörg jákvæð lýsingarorð yfir.

En ég er soldið forvitin að vita hvað það er í gjörðum "femínasna" sem þér finnst eigi að ræna karlmennskunni frá þessum elskum
Er það krafan um að þeir taki þátt í barnauppeldi og deili heimilisstörfum?

Hvernig í ósköpunum lýsir hún sér þetta markvissa karlmennskutáknarrányrkja?

[alva (IP-tala skráð) 3.7.2008 kl. 01:17]

já, er þetta nokkuð svona svart og hvítt...

[Andrea, 3.7.2008 kl. 01:41]

Nei ekki aldeilis
Svo finnst mér líka fínt að fá að vera kvenleg með blúndur í stöðu og með laun sem eingöngu stóð karlmönnum til boða fyrir ekki svo mörgum árum.
Mér finnst líka fínt að sjá flottan karlmann með þriggja daga skeggbrota og eins og macho og flottur eins og þeir geta orðið láta ungabarn ropa

Það var talað álíka illa um rauðsokkurnar hérna um árið en ég þakka þeim samt marga þeirra valmöguleika sem ég á í dag.

Samkvæmt þessum pistli sýnist mér fæðingarorlof feðra uppfinning frá helvíti og Rannveig Rist, Vigdís og fleiri brautryðjanda samtímakonur ábyggilega afsprengi ógeðslegs femínisma

Lágmark að fólk haldi sér við raunveruleikann ef maður á að taka mark á því

[Andrea, 3.7.2008 kl. 01:47]

ps!!
Sorrý, lágmark að ég haldi mér á mottunni líka :) Auðvitað er fullt af hlutum hérna í þessum pistli sem eru réttir. Það eru þarna konur úr t.d gömlu Kvennaflokksgrasrótinni sem virðast líta á lífsbaráttuna sem stanslausa vörn gegn körlum sem ætla að fara illa með þær.
Það hallar verulega á það að karlmenn hafi jafnrétti á við konur í fullt af málum, td forræðismálum

En ég held að það séu frekar kynferðisofbeldismenn og barnaníðingar sem eiga sök á því að karlmenn eru ekki lengur vissir um hvað er eðlileg hegðun gagnvart börnum en femínistar

[Helga Guðrún Eiríksdóttir, 3.7.2008 kl. 04:43]

Takk fyrir komuna og öll ykkar fínu komment. Ég yrði of lengi að svara hverju fyrir sig núna en hlakka sannarlega til að gefa mér góðan tíma hérna annaðkvöld ef allt stenst áætlun. Ég þarf nefnilega að skreppa til Manchester á morgun að hitta konsúlinn. Hann ætlar að útvega mér tímabundið fararleyfi frá Englandi, mikið skil ég vel að þeir séu tregir til að sleppa mér...  

Málið er að ég á bókað far til Íslands eftir tæpar tvær vikur en vegabréfið mitt rann út fyrir fimmtán mánuðum. Svo ef ég fæ konsúlsbréf upp á að ég sé sama blúndan og ég var í síðasta vegabréfi þá fæ ég séns á að fá það á Íslandi. Nýja vegabréfið alltsvo!

En að færslunni... þarna komu mörg ykkar með fjölda punkta sem ég hlakka til að ræða. Mér þykir til dæmis mjög gaman að fá Andreu í umræðuna því hún er mér ósammála. Þó ekkert með allt - en hún spyr, gagnrýnir og tjáir sínar skoðanir á léttu og skiljanlegu máli án þess að flækja málin eða sækja skítadreifarann. Ekki þykir mér leiðinlegra heldur að heyra í skoðanasystkinum mínum. Ég er þá kannski ekki jafn skrítin og ég var farin að álíta - og af er látið...  .. en ég yrði fyrir vonbrigðum ef engin myndi reyna að hrekja það!  

[Einar Indriðason, 3.7.2008 kl. 08:42]

Woah!   Sammála, Helga Guðrún.  (Varla að ég þori að segja það, samt, þökk sé... þú veist..... Ái!)

Afhverju má fólk, karlkynið, kvenkynið... whatever... ekki bara vera eins og það er, ef allir í kring eru ánægðir?  Afhverju ætti húsmóðirin ekki að fá að vera húsmóðir ef hún vill það?  Afhverju ætti hann að vera fyrirvinna, ef hann hefði áhuga á því að vera heima og sjá um húsið?  Og svo framvegis!

Takk fyrir þennan pistil!

[Andrea, 3.7.2008 kl. 09:25]

Og hver er að banna það Einar????

[Sverrir Stormsker, 3.7.2008 kl. 09:33]

"Skrítið" að engin femína skuli hafa tjáð sig hér um þennan fína pistil. Man reyndar ekki eftir að hafa heyrt þær né séð rökræða þessa hluti en þær hafa hinsvegar mætt margar saman í fuglabjargsviðtöl, t.d. hjá Agli Helgasyni karlingi, sem einsog flestir aðrir íslenskir kjarklausir kerlar, hafa lagst í duftið og jánkað í undirgefni og aulahætti öllum kynjakvótakröfum þeirra og óráðshugmyndum. Allavega ekki þorað að andmæla af nokkru viti. Hann lét meiraaðsegja að mestu undan kröfum þeirra um að setja kynjakvóta á eigin þátt þegar hávaðinn í bjarginu var farinn að æra hann og hann orðinn hræddur um að verða flokkaður sem "karlrembusvín." Það eru Svona kerlar sem eru jafn miklir sökudólgar og öfgafemínurnar og eyðileggja umræðuna jafn mikið. 

Þú ert líklegast búin að búa of lengi erlendis mín kæra ef þú ert farin að halda að allir íslenskir karlmenn séu "hugrakkir, hreinskilnir og húmorískir og skemmtilegir." Flestir karlar sem ég þekki eru húsmæður á sínum heimilum og algerlega undir hælnum á húsbóndanum, kerlingunni, og þora ekki að hreyfa sig spönn frá rassi í neinu tilliti nema með hennar samþykki. Þurfa meiraðsegja að fá leyfi hjá yfirvaldinu til að horfa á leiki og fara í bíó. Hlæjilegt.

Þú segir: "Björgum íslenska karlmanninum."

Íslenski karlmaðurinn má nú heita enginn smáræðis kjarkleysingi og hlandauli ef hann getur ekki einusinni staðið í lappirnar og bjargað sér sjálfur. Það er ekki hægt að bjarga mönnum sem þora ekki að bjarga sér sjálfir. Svoleiðis kerlar eiga að gerast flugþjónar og hárgreiðslumenn og bíta í koddann.

Annars er þetta hreinn og beinn og góður pistill hjá þér. Hef sjálfur skrifað nokkuð mikið um þetta og hef því ekki miklu við að bæta. Fleiri blöðrur mættu vera svona skeleggar og skemmtilegar.

Ef þú værir ekki svona rosalega gift þá myndi ég nú tékka aðeins betur á þér

[Rósa Aðalsteinsdóttir, 3.7.2008 kl. 12:19]

Sæl Helga mín.

Mikið til í þessu og innleggið frá Hrönn er staðreynd. Femínistar eru hættir að berjast fyrir jafnrétti. Nú berjast þær fyrir að drottna og svínbeygja alla í kringum sig. Fyrr má nú rota en dauðrota.

Vona að nafna mín alist upp eins og ég, mikið af föðurlegum kærleika ásamt móðurkærleika á meðan við fengum að hafa móður okkar hjá okkur.

Takk fyrir mig.

Kær kveðja/Rósa

[Sif Traustadóttir, 3.7.2008 kl. 15:29]

Ég hafði gaman af að lesa pistilinn þinn. Skemmtilegt hvernig tónninn breytist úr jákvæðni og gleði í fyrrihlutanum í hatur og fordóma í miðjunni og eymdarlegt ákallið í lokin. Svona greinar hef ég séð slatta af á blogginu nýlega, þetta nýyrði "femínasnar" er greinilega að koma sterkt inn. Ég er nú reyndar þeirrar skoðunar að íslenskir karlmenn séu upp til hópa fullfærir um að bjarga sér sjálfir og ætla því ekki að taka til mín ákallið.

Mér leikur forvitni á að vita hvernig þú myndir skilgreina mig. Er ég femínasni? Ég kannast ekki við neitt af því sem þú skrifar um þessar hræðilegu ófreskjur, femínasnana. Samt tel ég mig vera femínista. Eru einhver önnur skilyrði sem maður þarf að uppfylla til að teljast femínasni? Ég viðurkenni alveg að ég elska suma íslenska karlmenn meira en aðra. Er ég þá femínasni? Mér finnst æðislegt að klæða mig í blúndur og vera fín, en ég vil samt að það sé tekið mark á mér þegar ég tala og ég vil hafa aðgang að reykfylltu bakherbergjunum þar sem ákvarðanir eru teknar. Er ég þá femínasni?

bara pæling

kveðja

Sif

-ég hugsa, þess vegna er ég femínisti

[LKS - hvunndagshetja, 3.7.2008 kl. 16:11]

Elsku kerlingin: Ertu ekki bara að kidda okkur? Kom eitthvað fyrir? Ég er svo sjokkeruð þegar ég kom að þessari línu:

 " Það eru nefnilega þurrklofa og þurfandi, bitrar, beiskar og tussutístandi femínasnabeljur af báðum kynjum sem eru ennþá svo rígfastar í forneskjunni að þær átta sig ekki á því að það hallar ekki lengur á konur í jafnréttismálum á Íslandi, reyndar síður en svo! "

að ég ákvað að lesa ekki meir, þú hlýtur að hafa verið særð djúpu hjartasári af einhverri einni konu sem er femínisti - mér dettur ekkert annað í hug sem skýring - nema auðvitað ef þú ert bara að grínast með okkur

[Andrea, 3.7.2008 kl. 18:58]

" Það eru nefnilega þurrklofa og þurfandi, bitrar, beiskar og tussutístandi femínasnabeljur af báðum kynjum sem eru ennþá svo rígfastar í forneskjunni að þær átta sig ekki á því að það hallar ekki lengur á konur í jafnréttismálum á Íslandi, reyndar síður en svo! "

Já, þetta er frekar pathetic

[Róbert (IP-tala skráð) 3.7.2008 kl. 20:42]

Fínn og góður pistill hjá þér Helga Guðrún.  Þú greinilega þorir að vera þú sjálf.  Vorkunarvert að sjá suma feministana hér reyna að vinna þig að sitt band með lúmskum og undirferlum hætti.  Fyrir þeim ert þú hættuleg rödd en lofsöngur fyrir karlmenn.  Þú gætir orðið hjartadrottningin okkar.

[Yngvi Högnason, 3.7.2008 kl. 20:43]

Jamm, nú fer eitthvað að gerast.

[conwoy (IP-tala skráð) 3.7.2008 kl. 21:22]

Snilldarpistill ! úhah .

[Tiger, 4.7.2008 kl. 04:10]

 Oh mæ goood Helga. Nú hefur þú örugglega stuðað marga og nú hefur þú örugglega lent í IP-tölubanni á margri bloggsíðunni! En, veistu - þessi pistill fær mann í raun og veru - virkilega til að hugsa um hluti sem maður hefur í raun aldrei pælt í áður. Eins og t.d. þetta sem einhver að ofan nefndi eftir þér - um feður og dætur og slíka hluti.

En þetta er sannarlega pistill sem hreyfir við fólki - hann er bullandi snilld í raun og veru þannig. Ég þekki ekki mikið til feminista svo ég get ekki dæmt mikið um þann hluta af pistlinum - en ég get alveg heimfært hinn hlutann pínuponsu á mig sko! Thx ... þú færð það á Íslandi for sure eftir þennan pistill sko! *blikkerí*...

P.s. verst er bara að ég er ekki hreinn Íslendingur svo ég get víst ekki eignað mér þetta dæmi. Gætir þú sest á Hálfan Íslending sem blandast að hinum helming í tvennt sem Kanadískur og Franskur - með bullandi Grízk goðumlík gen í sér sem gerir hann Dökkan og dimman yfirlitum? Muhahaha ... if so then for sure you´ll get more than your passport over here sweetypie.

Knús á þig Helga mín og hafðu það ljúft ...

[Helga Guðrún Eiríksdóttir, 4.7.2008 kl. 11:40]

Góðan daginn!

Ég kom ekki heim frá Manchester fyrr en um níuleytið í gærkveldi og gat bara ekki hugsað mér að enda þann yndislega dag með einhverju orðaskaki... eina skakinu sem "sumir" þekkja.  

En konsúlinn hitti ég og fékk fékk hjá honum stimplað ferðaleyfi í útrunnið vegabréfið, svo nú kemur vonandi ekkert í veg fyrir að ég sjái land og syni eftir rúma viku. En þessi stórmerkilegi maður, konsúllinn, gaf mér ekki bara ferðaleyfi heldur tvo klukkutíma af sögum sem ég hlustaði á með athygli og andakt, og endaði með því að ganga með mér hring um bakgarðinn sinn sem var á stærð við heimatúnið og allur skrýddur unaðslegum blómabeðum og svignandi eplatrjám. Að skilnaði gaf hann mér svo þrjár myntuplöntur til að setja niður í mínum bakgarði. Ég ætla að svo að skrifa betur fljótlega um þennann gamla herra- merkis- og heiðursmann, sögur um drottningu og kóngafólk, Dabba kóng, drottningarlega Vigdísi og skreppitúra í kvöldmat til Óla á Bessa.

En að færslu og femínösnum. Já, auðvitað dreg ég ekkert í land með þá nafngift enda bjó ég sjálf til það góða orð sem mér sýnist femínistar ekkert allt of hressir með að sé að festast við þá. Töff. Málið er að þær hafa sjálfar komið óorði á þetta annars fallega orð, femínisti, með framkomu sinni, orðum og gerðum. Það hefur ekkert að gera með þær sem einstaklinga og vissulega hata ég þær ekki persónulega frekar en nokkurn mann. En ég hef megnustu óbeit á málstað og málflutningi sem byggður er á hatri á karlmönnum í heild og grefur undan jafnræði, jafnrétti og framförum.

Ég hef heldur ekki komið auga á að þær hafi mótmælt neinu sem ég sagði nema þeim lýsingarorðum sem ég valdi þeim hérna að ofan. Ég hefði auðvitað getað notað þau orð sem aðrir hafa gefið þeim, eins og "þurrkuntulegar", en af því að þær eru mikið á ferðinni þá fannst mér tussutístandi einhvern veginn lýsa þeim betur. Það ískrar ekkert í ryðguðum hjörum meðan dyrnar eru hafðar lokaðar.

[kiza, 4.7.2008 kl. 15:22]

Einar og fleiri sem spyrja:  "af hverju mega konur ekki bara vera eins og þær eru og gera það sem þær vilja?"

Ef kvenréttindahreyfingin (og já, feministar) hefðu ekki barist fyrir sínu (og gera enn í dag) þá GÆTUM VIÐ EKKI VALIÐ UM HVAÐ VIÐ VILDUM!  Þetta er svo kristaltært; feminismi snýst um VAL. Um réttinn til að velja og hafna, um réttinn til að vera húsmóðir, forstjóri, skipstjóri, strippari (þó nýfeministar séu meira og minna á móti því), leikskólakennari, leikari, bankastjóri eða hvaðeina! Ef þessar konur hefðu ekki hamast og djöflast (og gera enn í dag) þá hefðum við akkúrat ekkert val, heldur væri okkur bara úthlutað hinu hefðbundna húsmóður+mömmuhlutverki.   Ekki að það sé neitt að því hlutverki, en við eigum að hafa réttinn til að VELJA.  

Skil ekki alveg hvaðan allt þetta hatur á feminista kemur; finnst í raun bara sorglegt að sjá og heyra stelpur segja "ég trúi á jafnrétti en ég er ekki feministi og mun ALDREI kalla mig það!" og láta eins og kvennabaráttan eigi ekki sitt hlutverk í heiminum í dag.  Eigum við þá bara að hætta að láta okkur kvenréttindi varða af því að "það er jafnrétti á Íslandi"?

Auðvitað eigum við að beita okkur að jafnrétti, og þá líka fyrir karlana; sem eru dæmdir fyrir að taka sér fæðingarorlof, eða stimplaðir perrar fyrir að vilja vinna á leikskóla eða með börnum í frístundum, eða fá ekki að hitta börnin sín þar sem forræðislög eru ósanngjörn. AUÐVITAÐ eigum við að berjast fyrir því sem og ÖLLUM mannréttindum. 

En þessi langlífa mýta um feministann sem vill bara "kenna körlum um allt", "skemma karlmennsku" og "vera þurr og frosin milli lappanna" er bæði særandi, móðgandi og algjörlega út í hött!  Auðvitað eru Sóleyjar hér og þar, en PLEASE takið mig alvarlega þegar ég segi að það eru til aðrar stefnur innan feminisma en þessi stereotypiska fórnarlambahugsun. 

[Gunnar Th. Gunnarsson, 4.7.2008 kl. 16:44]

Kisi mín... það er nú kannski fullsterkt til orða tekið að einhver "hati" feminista. Fyrir mína parta er það meira svona ...óbeit. En það er ekki vegna þess að ég hafi óbeit á jafnrétti milli karla og kvenna, heldur vegna þess að þessar   " þurrklofa og þurfandi, bitrar, beiskar og tussutístandi femínasnabeljur af báðum kynjum". hafa eyðilagt umræðuna með öfgafullu bulli og karlhatri. (sumar hverjar og þá helst talskonur þeirra) 

[Helga Guðrún Eiríksdóttir, 4.7.2008 kl. 20:51]

Gunnar sagði nákvæmlega það sem ég ætlaði að hefja mál mitt á... bara betur! Úff og almáttugur, ég má ekki komplímenta kallinn svona.. skamm þú hlæjandi helgutetur!!  Sorry elskan, ég skal koma aftur á eftir.. líka á bloggið!  Er bara búin að vera í hláturpokastuði í dag .. en kallinn minn fór sér ferð niður í Co-op eftir sítrónum til að vita hvort ég lagaðist eitthvað..   Back soon ;) x

[Hrönn Sigurðardóttir, 4.7.2008 kl. 22:20]

Einu sinni var kona......

.... sem var að tala um sítrónusafa í flösku - eða.... í plasti!

Hvar er hún? 

[Markús frá Djúpalæk, 4.7.2008 kl. 23:42]

Konan? Enn í Bónus að leita að sítrónusafanum. Held ég.

[Helga Guðrún Eiríksdóttir, 4.7.2008 kl. 23:46]

Ok, núna skal ég. Kvenréttingaverkstæðið er... Ok, ég byrja aftur..  Alvarleg eins og jarðarför in action.

Kvenréttindahreyfingin var bráðnauðsynleg - en er orðin eins og berklaspítalinn; barn síns tíma. Og þegar hvorki berklar né kvennaplagerí eru hér lengur landafjandar, -því þá að halda úti hæli því tengdu? -Hver er tilgangurinn með því að rakka karlmenn endalaust niður í neðsta þrep.. fyrir eitthvað sem okkar menn eru álíka ábyrgir fyrir og stuttu pilsin eru fyrir nauðgun?

Auðvitað eigum við ekki að hætta að láta okkur kvenréttindi varða. Við eigum til dæmis að fordæma blæjuburð múslimskra kvenna.. og gera allt sem í okkar valdi stendur til að sá burður verði ekki íslenskur burður né byrði. Við íslenskar konur búum við allt það frelsi og allan þann rétt sem íslenskir karlar hafa. Bendið mér á hvar við erum kúgaðar.. bara svona ef það skyldi hafa farið framhjá mér.. því ef við erum það, þá skal ég koma svífandi til aðstoðar. Rétt eins og mitt "gottáðig" framlag til framtíðar; "Rósa to the resque!" - think of me and I´ll be there.

Ég er hvorki svona forréttindablúnda í frábæru og brjálæðislega vel launuðu blaðamannsdjobbi (þökk sé Bríeti..?) eins og einhver femínasninn hintaði svo nett með hér að ofan.. né kúguð til að segja það sem betur hljómar, eins og lesa mátti milli annarra lína. Ég sé hins vegar vandamál í þjóðfélaginu; bitar konur. Reiðar konur. Konur sem æða fram eins og bremsulausir skriðdrekar með sjálfvirkar hríðskotabyssurnar geltandi á þakinu. Hundrað sinnum hættulegri samfélaginu heldur en sjallar og samfylkingin samanlagt og þá er mikið sagt.

Ég vil sjá réttláta reiði samfélagsins í heild yfir kjörum heimilanna í landinu. Ekki yfir því hversu illa Jón fór með Gunnu árið 1900. Við Gunnurnar nútímans höfum allt það val sem karlar hafa, -því þá að skamma og refsa Nonnum nútímans fyrir eitthvað sem Gunnum fortíðar kann að hafa mislíkað - eða hentað ágætlega? Ætli Gunnu hafi dauðlangað að setjast undir árar með frosna vervettlinga og hálfkalnar táslurnar.. og hrópað á Nonna að ýta úr vör. "Settu svo Sigga litla á spenann hjá henni Huppu, hún mjólkar stundum betur en í káfinn, blessuð beljan!"

to be continued...

[Helga Guðrún Eiríksdóttir, 5.7.2008 kl. 00:23]

 Mér var ferlega vinsamlegast bent á eftirfarandi villur: bitar konur - (sjúdd bí=) bitrar konur... og

(þriðja neðsta lína) káfinn - þar ætlaði ég auðvitað að segja kálfinn

-Happí núna ðaddna prófarkarpésinn ðinn?  Lov jú samt

[Gunnar Th. Gunnarsson, 5.7.2008 kl. 01:23]

Ó, Helga....

Mér dettur það sama í hug þegar gamlir kommúnistar tala um hve verkalýðshreyfingin og kommúnistar hafa gert mikið fyrir alþýðuna og yfirfæra það svo á VG eða aðra "últra vinstrisinna"

 Ekki spurning, heilmikið var gert fyrir verkalýðinn fyrir tilstuðlan samhyggðarinnar sem í hugsjónunum fólust .... en tímarnir hafa breyst og sem betur fer er vald pólitíkusa að minnka í verkalýðsbaráttunni. Ég man þá tíð þegar Alþýðubandalagið hafði alla helstu verkalýðsforkólfana í vasanum. Þegar Alþýðubandalagið  komst loks í valdaaðstöðu t.d. um árið 1980, þá steinþagnaði verkalýðsforystan. Hvaða gagn er í pólitíkusum í verkalýðsforystu? Hvaða gagn er í " þurrklofa og þurfandi, bitrar, beiskar og tussutístandi femínasnabeljur af báðum kynjum", í baráttu fyrir kynjajafnrétti?

Tíminn er liðinn. Konur þurfa í dag ekkert annað en að sýna hæfileka sína til þess að "fá´ða..... bara ef þær vilja.

[Steingrímur Helgason, 5.7.2008 kl. 09:57]

Sveiattann hvað mar einfaldur ~ezzgar~ þig meir & meir..

[Helga Guðrún Eiríksdóttir, 5.7.2008 kl. 10:44]

Ég bið lesendur síðunnar minnar afsökunar. Komment nr. 37 er þess eðlis að mér finnst ástæða til að biðja höfundinn að tjá skoðanir sínar annars staðar eftirleiðis.

[Lovísa , 5.7.2008 kl. 13:15]

Áhugavert.

[Árni Gunnarsson, 5.7.2008 kl. 18:03]

Hérnana, ber að skilja þig svo að þú sért útskrifuð úr klausturskólanum þarna í Skírinu?

[Helga Guðrún Eiríksdóttir, 5.7.2008 kl. 19:15]

Nei, ég var rekin. Þær voru með einhverjar bjánalegar reglur um skírlífi og svoleiðis leiðindi.

[Árni Gunnarsson, 5.7.2008 kl. 19:19]

Skírlífi já. Auðvitað er þarna komin skýringin á nafninu ...shire!

Hræddur um að ég hefði ekki orðið mosagróinn í þessum hreppi.

[Ingibjörg (IP-tala skráð) 5.7.2008 kl. 20:16]

Feministar eru auðvitað 100 árum á eftir tímanum og það þarf ekkert að diskútera það. Það þarf hins vegar að ræða hvort allir íslenskir karlar séu svona stórkostlegir eins og þér finnst Helga. Þú hefur auðvitað rétt á þinni skoðun en ég hef ekki tekið eftir þessum kjarki sem þú segir að þeir séu svona upp fullir af. Ég er sammála Sverri Stormsker hér að ofan þar sem hann krítiserar ekki bara feminista heldur líka linkind og aulahátt íslenskra karla eins og til dæmis Egils Helgasonar og fleiri karlkerlinga. Feministar væru ekki búnir að ná fram svona miklu af sínu rugli ef að íslenskir karlar væru ekki svona auðsveipir og ragir.

[Svanhildur Karlsdóttir, 6.7.2008 kl. 01:08]

Ég er þekkt fyrir að safna gömlum hlutum (kölluð Antika meðal vina)..minn maður vinnur sína vinnu, kemur heim étur og sofnar svo, eldar jú öðru hvoru, enda finnst honum það gaman, svo hann passar vel inn í mitt antik-safn, hann er hinn gamli íslenski karlmaður, og mér líkar það vel

[Jenný Anna Baldursdóttir, 6.7.2008 kl. 11:19]

Hvernig er veðrið í Bretlandi?

Ég tók hríðskotabyssuna ekki með mér inn á síðuna þannig að í þetta skipti verða engir sallaðir niður.

femÝnazistinn.

Úje

[Sævar Einarsson, 6.7.2008 kl. 12:37]

Þessi færsla er ekki í Heitar umræður afhverju ætli svo sé, það finnst mér svoldið undarlegt.

[Helga Guðrún Eiríksdóttir, 6.7.2008 kl. 15:22]

Ingibjörg, auðvitað eru karlar eins mismunandi og þeir eru margir. Alhæfingin er meira svona almennt "statement" eins og flestir gera sér vonandi grein fyrir. Og mikið er ég sammála ykkur Sverri um t.d. Egil Helgason, sem mér finnst héralega volgur í alltof mörgum málum.. eiginlega hvorki hrár né soðinn.

Eins og Músa (AKÆ) benti á, og fleiri tóku undir, þá eru þessi mál auðvitað fjarri því að vera bara "svört eða hvít". Ég held að engum (allavega engum sem þekkir mig) detti í hug að ég standi við pottana alla daga milli þess sem ég baki hnallþórur með kaffinu og haldi heimilinu óaðfinnanlegu. Það er fjarri mínum veruleika. Þó hef ég verið í þeirri aðstöðu undanfarin ár að eiga þess kost að vera heimavinnandi og geta tekið á móti krökkunum þegar þau koma úr skólanum, stundum með smurðu brauði og kakói eða jafnvel vöfflum og rjóma. En eins og þau myndu votta (og vitna gegn mér) þá er það nú ekki daglegt brauð. En að koma heim vitandi að mamma (það má líka alveg vera pabbi) er í húsinu gefur þeim þá verndar- og öryggistilfinningu sem ég vil að þau búi við, sé þess nokkur kostur.

Ég er fædd og uppalin í sveit, næst yngst af fjórum systkinum, átti yndislega foreldra sem unnu samhent að fjölskyldu og búi. Að vísu var faðir minn heitinn fullkomlega glórulaus þegar kom að "inniverkum" þó að "útiverkin" á heimilinu væru samvinnuverkefni allra á heimilinu. Mamma gengdi því ótal hlutverkum og dugnaður hennar var næstum ofar mínum skilningi sem nútímakonu. En þó að pabbi hafi ekki vaskað upp nema einusinni á ári (aðfangadagskvöld) þá sá ég hann aldrei verklausan heldur, því auk bústarfanna átti hann alltaf vörubíla og stundaði vegavinnu flesta daga til að afla heimilinu aukatekna. En þrátt fyrir þessa verkaskiptingu þá ríkti með þeim jafnræði, skilningur og virðing fyrir verkum hins.

En eins og hendir á bestu bæjum þá skildu foreldrar mínir þegar ég var 11 ára gömul. Mamma flutti í næstu sveit í fimmtán kílómetra fjarlægð en ég kaus að verða eftir hjá pabba og tveimur bræðrum mínum, enda óskaplega mikil pabbastelpa og hafði alla tíð elt hann eins og skugginn. Vissulega elskaði ég mömmu mína ekkert minna, en ég hafði alltaf verið tilfinningalega tengdari pabba. Mér hrýs hugur við því ef einhver hefði þá gert við það athugasemdir þegar við yngri systkinin kepptumst á að fá að sofa í mömmuholu við hliðina á pabba, eða komið með augnagotur þegar ég kúrði í fanginu á honum fyrir framan sjónvarpið á kvöldin.. langt fram á unglingsár og raunar bara alltaf þegar "plássið var laust".

Það sem ég er að fara með þessu ævisöguinnskoti er að benda á meðal þess sem femínasnar hafa á ferilskránni er að hafa tekist að gera alla karlmenn tortryggilega. Þessu mótmæli ég hástöfum og með öllum þeim raddstyrk sem ég hef! Allir þeir karlmenn sem ég þekki hafa jafn einlæga skömm á barnaperrum og óeðlisandskotum sem misnota börn og ungmenni í einhverri mynd. En að nota þá sem vopn á karlkynið í heild er bæði ljótt, rangt, perverskt, óeðlilegt og hróplega ósanngjart. Ekki bara gagnvart þeim 99,9% karlmönnum sem elska börnin sín með hverri taug og þrá að mega faðma þau og knúsa við hvert tækifæri - heldur ekki síður börnum og unglingum sem ekki bara þrá það sama, heldur þurfa á líkamlegri snertingu og atlotum að halda. Líka frá feðrum sínum.

Jenný mín, þú ert algerlega velkomin með öll þau skotfæri sem í vopnabúri þínu kunna að leynast, og ég hef svona frekar grun um að það sé hið sæmilegasta safn. Ég hefði ekki farið af stað með þessa umræðu ef ég hefði ekki verið til í dans og viðbúin mæta harkalegri gagnrýni - og svara henni.

Sævarinn, þessari færslu hefur einhverra hluta vegna verið haldið vandlega frá öllum forsíðuflokkum mbl.is og ég hef fengið fleiri heimsóknir þegar ég hef sett inn ómerkilegar stjörnuspár en núna.

Vissulega er það undarlegt og spurning hvað - eða hver- veldur.

[Magnús Geir Guðmundsson, 6.7.2008 kl. 19:01]

Neinei, skýringin er einföld. N'u eru flestir eða allir, þar með taldir allar gullfallegu feminisku stelpurnar eins og Sóley, Katrín Anna og hinar í fríi að sóla sig heima og erlendis.Og að sjalfsögðu eru þær allar topplausar í sundi nema hvað!

[Helga Guðrún Eiríksdóttir, 6.7.2008 kl. 23:05]

Mjög líklega ertu ekki fjarri sannleikanum þar, Keli minn. Og ekki varð ég undrandi á að sjá Magnús koma kvenfólkinu til aðstoðar.. sætt af þér, Maggi minn, fallega gert! 

Og ég vona að hvar sem femínasnarnir okkar eru niður komnar þá líði þeim vel og að þær hafi val um það hvort þær sóla sig topplausar eða betur klæddar til brjóstanna. En líklega þykir mér samt að þær teljist til þeirra síðarnefndu, allavega ef mið er tekið af því djöfuls ákafa offorsi sem þær beittu sér í baráttunni gegn nektardansi. Það kæmi mér hreint ekkert á óvart ef toppleysi kvenfólks í íslenskum sundlaugum yrði það næsta sem dettur í hug að fordæma og banna.

Það er þessi endalausi, andskotans mömmuleikur sem ég þoli ekki! - Þessi frekja og yfirgangur og ráðríki yfir öllu og öllum... þetta minnir mig á sögur af ömurlegustu mömmunni í hverfinu, alltaf úti á hlaði með illa vafðar rúllur í úfnum hausnum að öskra bönn og bannfæringar á kolbrjálaða krakkaómegð með hor - og í desibilum við hættumörk þannig að það færi nú ekki framhjá nærliggjandi hverfum heldur hversu hrakfallasækinn og ósjálfbjarga hóp af fávitum hún væri að ávarpa.

Ég hafði val þegar ég flutti ein með börnin í húsið sem ég bý í núna. Ég hefði getað kallað til smiði og annað laghent lið til að standsetja heimilið í það horf sem mig langaði. En fagfólki þarf auðvitað að greiða laun, svo til þess að dæmið hefði gengið upp hefði ég þurft að finna mér launaða vinnu utan heimilis og sjálfsagt einhverja barna(friðar)gæslu að auki... fyrir það sem ég gat með góðu móti gert sjálf. Ég málaði, teppalagði stiga, hol og herbergi, parketlagði neðri hæðina og smíðaði girðingu utan um framgarðinn. Það síðasta gerði ég reyndar eftir að maðurinn minn, sem þá var kærasti, flutti út til okkar. Auðvitað passaði ég mig á því að vera svolítið sexý klædd utandyra og mátulega kæruleysislega lítið en óaðfinnanlega máluð til að nágrannakarlarnir hefðu eitthvað að segja frá á pöbbnum.

Það gekk eftir - og þar með plottið mitt upp. Þessi rólega þorpsgata varð á tímabili álíka fjölfarin og "gatan með jólahúsið" í desember. En í staðinn fyrir að "give the bird a whistle" (flauta á píuna.. já, breskir karlmenn geta verið ferlegir dónar, en nýtilegir dónar ef maður nýtir sér fyrirsjáanleika þeirra), þá heyrðust undrunar- og annars konar viðurkenningahljóð: Wow! Nice fence, dude! 

Þannig kom það til að ég fékk í framhaldinu nokkur ágætlega borguð smærri smíðaverkefni (cash-in-hand. Núna löngu síðar erum við Sara, glæpasystir mín og vinkona (sister in crime) enn að njóta góðs af í formi smásmíða fyrir minna hamarfæra þorpara. Svo mátti oft gera ágætis pening úr antikbraskinu og kaupa, gera upp og endurselja gömul húsgögn. - En málið er að þarna átti ég val!

En ég átti ekki um margt að velja fyrir um tuttugu árum, þegar þrír alvopnaðir lögreglumenn hlupu til mín og hentu yfir mig teppi eins og ég stæði í ljósum logum, þar sem ég lá topplaus á maganum að lesa kiljubók á fáfarinni sandströnd í Massachusetts í þrjátíu stiga hita. Eftir að ég náði áttum eftir "árásina" var mér gert það ljóst í ströngum og áminnandi tón að flest bandarísk fylkislög bönnuðu konum að vera berar að ofan á almannafæri. En þar sem mitt löggutríó sagðist svo vera í góðu skapi "þá ætluðu þeir að flokka blygðunarbrot mitt undir óvitasemi útlendings sem ekki veit betur". Mér var því náðarsamlegast sleppt við að verða færð á lögreglustöð til skýrslutöku og kæru. Þó ekki fyrr en þeir höfðu horft á mig hnýta á mig bikinibrjósta"haldarann" - sem var efnisminni en hárborðinn.

En þaðan aftur heim til Íslands, og í rökréttu framhaldi að Nauthólsvíkinni og sundlaugunum. -Er það ekki næsta "verðuga verkefni" femínasnanna að sjá til þess að konur séu þar hlýlega klæddar??

"Val kvenna" frasinn þýðir á femínsku: "Sjálftekið vald okkar til að velja fyrir þig, bjáninn þinn"!

[alva (IP-tala skráð) 7.7.2008 kl. 01:16]

Now we are talking!!! Váááá hvað ég hef misst af miklu!! Aragrúi af frábæru stöffi hérna á commentinu. Gvöð hvað þú ert mikill snilli, ég er sko að hneigja mig núna fyrir þér, bara svo þú vitir það!!

Það sem mér finnst sorglegast við þetta " feministadæmi " eða hvað sem maður á það kalla þetta er þessi nýtilkomni hroki, ég kann ekki alveg að útskýra þetta, þetta er svona einhverskonar tilfinning sem ég hef gagnvart þessum feminista konum ( ekki allra auðvitað en svona upp til hópa ) ...mér líður alltaf eins og einhverjum asna þegar ég sé þær eða heyri tala, virka svo grimmar og montnar með sig eitthvað og yfir aðra hafnar...þessi hópur minnir mig á saumaklúppakerlingar og ef einhver vogar sér að vera ósammála "reglum" saumaklúbbakerlinganna þá kemur fram þessi hroki og það gagnvart þeim konum sérstaklega sem ekki lifa samkvæmt þeirra feminisku gildum...en mér finnst vera búið að eyðileggja kvennabaráttuna hérna á Íslandi...þetta var ekki svona rosalegt, þó að margar konur hafi svosem alltaf barist rosalega innbyrðis og þá notað menntasnobb og uppruna og ytri fegurð í þeirri baráttu óspart, í stað þess að nota eigið gildismat ( eins og t.d amma mín gerði í sinni kvennabaráttu og var ein af þeim konum sem stofnaði kvennalistann)   Það var ekki þessi einkennandi hroki í gangi hérna í den gagnvart t.d. konum eins og mér, næstum algerlega heimavinnandi móðir sem hef einstaklega mikinn áhuga á uppeldi barnanna minna og vil vera til staðar fyrir krakkana mína, heima og hef valið það sjálf!!!! Mér finnst þessar "feministasaumaklúbbakonur" líta niður á konur eins og mig...og það er sorgleg þróun, líta niður á okkur eins og við séum heimskingjar sem höfum ekkert til málanna að leggja á nokkru sviði þjóðfélagsins, ég þekki alveg svona konur persónulega og hef séð hrokann með eigin augum og fengið spurningar um það hvort ég ætli ekki að gera neitt við líf mitt annað en að vera mamma, þetta er náttúrlega bara rugl, hvert þetta stefnir í dag og svona "attitude" grefur undan allri baráttu fyrir betri kjörum kvenna!! Það hefur myndast einskonar gjá á milli kvenna hérna, það eru þessar hörðu feministakonur......og svo hin tegundin...og síðan eru líka einhverjar ofan í gjánni...sem er náttlega versta staða ever...

...veit ekki af hverju mér datt sumaklúbbur í hug þarna áðan...það er örugglega vegna þess að ég hræðist saumaklúbba eins og heitann eldinn......og fyrirlít svolítið líka...sem segir að ég sé ekkert skárri í hrokanum...hellings hroki gagnvart feministasaumaklúbbastarfsemi....

Ég vona að einhver hafi botnað í þessu röfli mínu...

faðm á þig og suddalega stórt knús,

kveðja frá konu sem vill vera heima og sinna heimilinu og börnunum en er samt með alveg  með 127 í Æ-kjú og umræðuhæf um ýmisslegt, þrátt fyrir það, hehe!!

[alva (IP-tala skráð) 7.7.2008 kl. 01:22]

vá hvað þetta kom í miklu rugli..Muna að lesa yfir og senda svo...ekki öfugt...en ég held að þetta skiljist svosem alveg,  svona beisiklí....

Góða nótt Nottingham gella. 

[Steingrímur Helgason, 7.7.2008 kl. 01:59]

Ég er nátturlega það mikið karlrembuzwín í eðli, að það pirrar ekkert mína innri femýnizdabelju að taka undir málflutníngarmeiníngu þezzarar færzlu, enda góð fín & þörf, einz & Helgan.

Enda ég & mitt konudýr búin að skemmta okkur vel yfir umræðunni & löngu er ákveðið okkar á milli að síðuhaldarinn sé ættleiddur, með bretum, börnum & burum.

Ég er stolt kona í mínu hlutverki sem eldabuska & uppeldisfaðir á mínu heimili, en harður karl þegar ég vil við það við hafa bæði í mínu fjölskyldulífi & á ~markaðnum~.

Virkar mér fínt...

[Gunnar Ásgeir Ásgeirsson, 7.7.2008 kl. 08:51]

Komdu til íslands baby... vill vita af svona kjarnakonu eins og þér hér á klakanum :)

[Sigurbjörn Friðriksson, 7.7.2008 kl. 19:49]

"Femínasnar" eða "femÝnazistinn".

Ég veit ekki hvor er meiri snillingur í nafngiftum á "jú nó hú?"  Jenný Anna eða þú Helga Guðrún mín!

En þú ert sami snillingurinn Helga Guðrún.  Getur verið að þú hafir fengið GULA SPJALDIÐ hjá ritskoðun Mbl.is blogginu fyrst að þessi færsla er ekki komin í "Heitar umræður?"

Kær kveðja,

Björn bóndi.

[Valla (IP-tala skráð) 7.7.2008 kl. 23:19]

Sæl frænka, er búin að skemmta mér mikið við að lesa öll kommentin við þessa færslu!  og er nokkuð sammála þér í svona flestu amk... hvenær kemurðu svo til landsins og hverja ætlaru að taka með þér??

[Helga Guðrún Eiríksdóttir, 8.7.2008 kl. 01:33]

AKÆ, Músa mín.. allt sem þú sagðir skildist fullkomlega, hvert orð! Og það sem meira er; ég held að flestar konur geti sett sig í þín spor. Það er sorglegt að heyra þetta sagt.. af konu.. og vita að þetta er nákvæmlega það sama sem aðrar konur eru að hvísla að mér og öðrum konum, mönnum sínum.. vinum sínum.. vindinum... Þetta er það sem sjálfri mér hefur fundist, en þótt ég vera ein á báti og hrópandinn í eyðimörkinni. -Ætli það séu kannski bara femínasnarnir sem eru nú málaðar út í horn.. en ekki við hin, eins og þær ætluðust til og tókst næstum..??

Zteini, þú og þitt konudýr eruð í zlíkum zérflokki að þið ættuð að vera zvona zýnikennzluperfektpar uppá zönnunargagnið að jabbnréttið er alveg að gerazig. (þetta tók á.. þetta með að gera sig er ekki alveg að gera sig í minni málvitund.. en helgan litla.. það er ztaður og ztundur til að vera zolleis lagaður nördur n diz prolly innit.. innit?)

Gunni sæti, careful what you wish for..  Ég er á leiðnni.. alltaf á leiðinni... til þess að segja þér..

Björn bóndi, Jenný Anna hefur samið margar fínar ræðurnar og er glimró í nýsmíði ýmiskonar en ég held næstum að hún myndi frábiðja sér að mæðra þessa nýorðsneglingu; femÝnazistinn. Ég á ekki orði í þessu orði en mér finnztetta zoldið Kelalegt...

Valla, laangskemmtilegasta frænkubeibið mitt!  Hey.. flestu hvað..? Af hverju ekki öllu..?  Kem eftir viku.. síðasti séns á að leggja inn dekurfrænkuózkalistannzinn!

[Ellismellur (IP-tala skráð) 8.7.2008 kl. 20:47]

Ef maður þekkti þig ekki, þá.............................................

[Helga Guðrún Eiríksdóttir, 8.7.2008 kl. 20:56]

Þetta síðasta komment hefði getað komið frá hverjum sem var; fjölskyldumeðlim, vini, vinkonu...  Og við þann/þá sem skrifaði hefði ég sagt: Nákvæmlega!  *Blikk* 

[Tiger, 9.7.2008 kl. 00:25]

 Bara segja hæ sko ... og kreista þig smá og dahððððra smá við þig gullið mitt! Gúddnæt..

[Gunnar Th. Gunnarsson, 9.7.2008 kl. 02:49]

Hva, heldurðu Guðrún mín að giftar konur missi alla skynjun á formfegurð við giftinguna? Ég er giftur til 16 ára og ég sé sko  "beibur" alltaf öðru hvoru. Skjótið mig þegar ég hætti því!

[Gunnar Th. Gunnarsson, 9.7.2008 kl. 02:51]

ps.... konan mín er líka "beiba"

[Halla Rut , 9.7.2008 kl. 13:20]

Þetta er gjörsamlega, algjörlega, frábær pistill. Þú ert snillingur.

Minnti mig á viðtal sem ég heyrði eitt sinn við femínista. Hún sagði að konur ættu ekki að mála sig. Hún sagði að þær ættu ekki að sýna að þær vildu láta dæma sig fyrir ytra útlit. Svo sagði hún að það mætti kannski setja smá maskara ef mikið lægi við......Þvílík þvæla. 

Ég sé þig alveg fyrir mér í kjólnum.

[Helga Guðrún Eiríksdóttir, 9.7.2008 kl. 14:05]

Tiger, my ... hey maður á aldrei að segja frá öllum fantasíum.... ég sá sko myndir af þér hálfnöktum og nammilegum.. ggrrrr drop-dead yummy.. og ósizzla fyndinn svona felumyndarlegur!

Guðrún, ég er kona.. ekki bara eiginkona, dóttir, mamma, systa.. og allt hitt gumsið. Ég skoða og daðra við allt sem hreyfist og er umkringd fleiri prinsum en ég kemst yfir að sinna með góðu móti, -á ég að senda þér nokkra..? umframbirgðirnar ..? ..the human overflow..? Ég segi nú bara eins og Gunnar: Skjótið mig þegar ég hætti að skoða! Ég er líka svo skolli vel gift að kallinn minn segist mundi hringja í neyðarlínuna ef ég hætti að daðra því þá vissi hann fyrir víst að ég ætti ekki langt eftir. Umhyggjusamur þessi snillingur.  Halla Rut, takk fyrir komuna og kommentið. Þessar konur ættu að vera með þátt í sjónvarpi, það er stundum svo hressandi að hlæja.. að þeim!

En einn punktur (af mörgum) er enn óræddur hérna, en það er kommentið hennar Hrönnsu hérna nr. 4. -Er þetta svona í raun og veru? Ég hef heyrt marga segja nákvæmlega það sama og Hrönn, en kannski hef ég bara verið óvenjulega heppin með kennara minna barna. Þeir hafa verið af báðum kynjum og ég hef ekki fundið merkjanlegan mun á kennslu þeirra né kvatningu. -Hvað segja þeir sem aðra reynslu hafa? -Eru drengir markvisst brotnir niður í íslensku skólakerfi?

[Skattborgari, 9.7.2008 kl. 23:49]

Góður pistill er alveg sammála Íslenskir karlmenn eru bestir.

[Jakob Jörunds Jónsson, 11.7.2008 kl. 22:29]

Góður pistill!

Ég á einn 3 ára gutta sem vill af einhverjum ástæðum að ég sjái um að baða hann og skeina og ég veit ekki hvað (þegar að ég er í landi). Gaman af því. Ef að mér væri aftur á móti sagt að gera það af konunni, þá myndi minn sennilega ekki hreyfa á sér rassgatið.

Annars mæli ég með því að senda þessar femínösnur hér í Karíbahafið. Innfæddir hér væru fljótir að lækna þær

[Brjánn Guðjónsson, 12.7.2008 kl. 21:34]

frábær pistill og umræða.

femínismi merkir kvenhyggja og femínisti er því kvenhyggjusinni.

þegar yfirlístur kvenhyggjusinni reynir að telja mér trú um að hann aðhyllist jafnrétti....sorry, I don't buy that.

[Óskar Þorkelsson, 16.7.2008 kl. 22:13]

mér líður vel eftir þennan lestur.. takk fyrir hann ;)

[Ibba Sig. (IP-tala skráð) 17.7.2008 kl. 12:45]

Híhí, ferlega krúttilegt hvernig hægt er að misskilja herfilega eins og þú gerir hér Helga Guðrún. Og enn fyndnara hversu margir eru tilbúnir til að taka undir misskilninginn. 

[Helga Guðrún Eiríksdóttir, 4.3.2009 kl. 15:50]

Allt eins og það á að vera!

[Gunnar Páll Gunnarsson, 7.8.2009 kl. 11:16]

Ég segi það bara aftur og ennþá til; Gott að það eru ennþá til skynsamlegar konur á klakanum. Ég meina; einhver önnur en Jóna Ingibjörg. (konan mín er Íslensk, en það telst ekki með, þar sem við búum í Danmörku)

Annars kom Megas með orðið fyrir andhverfu karlrembusvína; LEGREMBUROTTA. 

Íslenskar konur lengi lifi............................húrra!

gunnipalli kokkur