HÖRMULEGT SLYS!

Ég las þetta frétt með tárin í augunum. Þetta er hörmungaratburður og rifjaði upp einn af sorglegustu dögum æskuáranna. Það var þann 23. september árið 1976 þegar á fimmta hundrað fjár drukknaði í Svartá í Húnavatnssýslu er aðhald gaf sig á girðingu nátthagans við Stafnsrétt þegar reka átti féð í réttina.

Eins og flestir sem þar voru, þá átti ég þarna kindur og lömb og var búin að hlakka mikið til að sjá þessa vini mína, "ferfættu börnin mín", koma stökkvandi inn í almenninginn, hraustleg og falleg eftir veruna á fjalli. Skemmtilegasti dagur ársins breyttist á örfáum andartökum í þá hræðilegu martröð sem það var að sjá blessaðar skepnurnar ryðjast í ánna og drukkna þar hundruðum saman án þess að nokkur fengi við neitt ráðið. Því gleymir enginn sem það upplifði.

Ég sendi mínar einlægustu samúðarkveðjur í sveitina!

Tugir fjár drápust þegar flutningabíll valt

Athugasemdir

[Óskar Helgi Helgason (IP-tala skráð) 26.10.2007 kl. 00:05]

Heil og sæl, Nafna !

Tek undir; með þér. Dapurlegt, hvað mannfólkið hugsar skammt, þegar kemur að förgun þessarra blessaðra dýra. Eitt; af klaufa verkum Guðna Ágústssonar, þá hann var landbúnaðarráðherra, að grisja sláturhúsin. Þar með, allt of lengt milli staða, og misjöfn líðan fjárins, þar með, lengri sem skemmri leiðir, utan mjög afleits vegakerfis, almennt, um land allt.

Með beztu kveðjum / Óskar Helgi Helgason

[Gunnar (IP-tala skráð) 26.10.2007 kl. 01:01]

Iss... frí slátrun og svo er þetta geggjað með brúnni sósu og kartöflum, svo má gera pylsur og grilla þetta þannig að þú sérð að þetta er bara hið besta mál... jamm´og namm lambakjöt á diskinn minn!

bæ bæ

verði þér að góðu 

[halkatla, 27.10.2007 kl. 13:13]

mér finnst svona fréttir líka alltaf svo sorglegar og ég æpti uppyfir mig þegar ég heyrði um þetta í útvarpinu - aumingja kindurnar. Menn eiga langt í land með að skilja hvað skiptir mestu máli í meðferð dýra, einsog Óskar Helgi bendir á.

[Margrét St Hafsteinsdóttir, 27.10.2007 kl. 23:17]

Aumingja kindurnar segi ég nú líka eins og Anna Karen.  Sorglegt. 

[Karl Gauti Hjaltason, 5.11.2007 kl. 00:18]

  Sæl Helga.  Hvar varstu í sveit 1976.  Ég var nokkur sumur í Langadal og svo í Svínadal líka.

[Helga Guðrún Eiríksdóttir, 5.11.2007 kl. 00:26]

Sæll Karl og velkominn í bloggvinahópinn.  Ég var að skoða síðuna þína og sé að að við erum skemmtilega ósammála með margt. Vertu óhræddur við að ræða málin.. þó þú sért sammála mér

Ég er fædd og uppalin í Vallanesi í Skagafirði.

[Sverrir Stormsker, 6.11.2007 kl. 18:13]

Bleeeesuð Helga mín,

Hvar varstu í sveit haustið 1963? Ég var nokkur sumur á Sprengisandi og svo uppi á Hofsjökli líka. En haustið 1963 var ég á Eiríksgötu, á fæðingarheimilinu, nýfæddur minnir mig. Manstu nokkuð hvar þú varst í sveit 15. desember 1986 klukkan 23.48? Ég man að ég var þá í Þórskaffi á þriðja glasi.   

[Helga Guðrún Eiríksdóttir, 6.11.2007 kl. 19:55]

Bleeeeesaður kallinn. Haustið 63 var ég nýfarin að hlaupa og önnum kafin við að læra að rífa kjaft, og ekki von að þú munir það. En þarna í Þórskaffi forðum.. var það ekki þá sem við hittumst til að undirbúa forsetaframboðið hjá falsaða peningaseðlinum nokkrum árum seinna?  Svakalega hljótum við að hafa verið drukkin!