SKANDALLINN ER SKEYTINGALEYSIÐ

Ég veit að að fyrirsögnin Bannað að reykja í eigin garði hljómar illa og nú hnussar örugglega í mörgum. Og sem hrokafullur reykingaglæpon, þá myndi ég nú bara glotta að Nonna nöldrara í næsta húsi ef hann ætlaði að fara að grenja yfir því þótt ég kveikti mér í réttu í sólstólnum mínum.  

En EF þessi Nonni hefði svo mikið ofnæmi fyrir reyk að hann þyrfti GRÍMU til að komast frá útidyrum heimilis síns að bíl sínum vegna reykinga minna í garðinum... þá myndi ég nú, og held ég flestir, sýna þann lágmarks grannavinskap og kurteisi að reykja einfaldlega annars staðar á heimilinu. Nema kannski þegar vindáttin væri hagstæð og þú vissir að hann væri ekki væntanlegur heim á næstunni... 

En ekki þessi sjálfselska, bitra kona. Hún ætlar að vísu að virða dóminn, en hún ætlar samt að reykja eins nálægt heimili mannsins og henni sé unnt, miðað við þær takmarkanir sem á hana voru settar!

Svona reykingafólk kemur óorði á reykingafólk!

Bannað að reykja í eigin garði

Athugasemdir

[Helga Guðrún Eiríksdóttir, 24.8.2007 kl. 04:40]

Stundum kostar örlítil tillitssemi næstum ekki neitt.

-Og ertu ekki að æsa þig óþarflega mikið yfir tiltölulega litlu? Fáðu þér bara smók, rokrassinn heima sér ábyggilega til þess að mökkurinn frá þér liðast ekkert rólega um nágrennið.

[Magnús Geir Guðmundsson, 24.8.2007 kl. 11:08]

Halló hefðarfrú!

Það geislar bara af þér sannur nágrannakærleikur! Og hvaða nágranni myndi heldur ekki dásama þig, sem leggur sig fram um að fegra umhverfið, léttklædd ljóskan í sólstólnum og þótt reykjandi sé hahaha!

En þegar þú mætir í heimsókn til mín í fyllingu tímans að kyssa mig og knúsa í alvöru bóndanum til "skemmtunar" þá yrðir þú samt að fara út ef þú vildir reykja, ófrávíkjanleg regla á þessum bæ!

[Tinna Gunnarsdóttir Gígja, 24.8.2007 kl. 13:32]

Vesalings maðurinn. Með svona mikið ofnæmi, en bara fyrir sígarettureyk? Ekki, segjum, útblæstrinum úr bílnum? Ætli þetta sé mismunandi milli tegunda? Ef hún skiptir yfir í mentól, er það í lagi?

Ég myndi bara fara út að éta surströmming, og athuga hvort hann sé með ofnæmi fyrir því líka...nú eða kæsta skötu.

[Jóna Á. Gísladóttir, 25.8.2007 kl. 09:38]

hahaha. Ég hef nú nágrannann grunaðan um að vera haldinn einhverjum Michael Jackson sjúkdómi/áráttu. Stend með illkvittnu nágrannakonunni

[Linda, 25.8.2007 kl. 16:01]

merkilegt alveg, ætli þetta sé ekki bara skugglegt innsýn fyrir því sem koma skal.  Já hérna. 

[Steingrímur Helgason, 26.8.2007 kl. 00:59]

Hömmhömm....

Reykíngjum fylgja ákveðin umhverfisáhrif, sem að smókarinn á einfaldlega að taka tillit til.  Ég tók sjálfviljugur þátt í því að reykíngum væri úthýst á mínum vinnustað löngu áður en að það varð tíska á íslandi, (1988), þótt að ég reykti þá, & reykji dáldið stundum enn.

(Já, já, skynsemi fyrir sjálfum sér er líka valkvætt mat sem að lýtur að frelsi einstaklíngsins um sjálfsákvörðunarrétt sinnar eigin persónu & allt það ...)

Ég hjó nú bara aðeins í þessar svalareykíngar, & þennann viðbjóð að kasta stubbunum framaf svölunum umhugsunarlaust.

Háaldraður. úldinn & skapfúll faðir minn með yfirgreiddann skallann sinn, nefnilega býr á fyrstu hæð í vottuðu & viðurkenndu fjölbýli í tjöruborg.  Einn sinn þegar ég vísiteraði hann þá var nágranni hans, hæðinni ofar að flytja eitthvað dót inn eða út, með spánnýja bílinn sinn parkeraðann við inngánginn & við sáum allir stubbinn fljúga út af svölinni á fjórðu hæð, & lenda mjúklega á þakinu á bílnum.

Dona bara gerir alvöru nágrannaerjur & lögregluskýrslur, verður að tryggíngarmáli.

Þannig að móttó dagsins er, ef þú reykir á svölinni, ekki henda stubbnum framaf.

S.

[Helga Guðrún Eiríksdóttir, 26.8.2007 kl. 01:20]

Ég er tillitssöm, en því fylgja engir verkir.

[Sigurjón Sigurðsson, 27.8.2007 kl. 03:56]

Já það er vandlifað eða.....
Ég reyki sjálfur og næ alveg að stunda það án teljandi vandræða, við annað fólk amk.
Ég er t.d. með þá reglu, ófrávíkjanleg, að ég hendi aldrei stubbum á jörðina eða fram af svölum,  sting þeim frekar í vasann og hendi svo í næstu tunni sem ég finn.
Ég reyki ekki úti ef litlir krakkar eru nálægt og ég reyki bara inni í fínu íbúðinni minni enda loftar vel um hana og engin lítil börn heima hjá mér.

Þetta virkar fínt fyrir mig, get ekki dæmt fyrir aðra í þessu máli.

Mbk.
Sigurjón Sigurðsson

[Helga Guðrún Eiríksdóttir, 27.8.2007 kl. 13:31]

Sammála þér Sigurjón, þessir heimar eiga alveg að geta lifað saman styrjaldarlaust ef viðhöfð er smá kurteisi á báða bóga.

En mikið asssk er orðið handónýtt að fara á pöbb eða út að borða. Þessir bannglöðu eru algerlega búnir að eyðileggja fyrir manni þá ánægju.

Ég óttast félagslega einangrun!

[Magnús Geir Guðmundsson, 27.8.2007 kl. 16:51]

Bara væl, hættu strax að reykja stelpan þín!