MOGGABLOGGSRITSKOÐUNARYFIRSTJÓRNARNEFNDARMENN, ÉG KREF YKKUR SVARA!

Að gefnum tilefnum, þá spyr ég ykkur fyrir mína hönd og annara bloggskrifara:

1. -Hvað megum við skrifa um og hvað ekki?

2. -Hvar liggja mörkin og hver setur þau?

3. -Er gagnrýni á Moggabloggið, Moggann eða þá sem þar starfa eða stjórna, bönnuð? 

4. -Er bannað að grínast með fréttir mbl.is?

5. -Má setja út á suma pólitík en ekki aðra, og þá hverja og hverja ekki og af hverju?

6. -Má tala illa um suma menn en ekki aðra, og þá hverja og hverja ekki og af hverju? 

7. -Hvað þurfa margir, ef einhverjir, að kvarta yfir tengingu bloggfærslu við frétt til að tengingin sé rofin, eða er það geðþóttaákvörðun Stóra Nafnsins í fyrirsögninni hér að ofan?

8. -Hversu mörg gul spjöld megum við fá áður en okkur er sýnt rauða spjaldið og vísað af velli?

9. -Ætlar mbl.is að beita sér fyrir því að tekin verði upp ritskoðun á Íslandi umfram það sem stjórnarskrá landsins kveður á um?

10. -Hefur Stóra Nafnið leitað álits lögfræðinga á stöðu sinni ef til þess kæmi að útstrokaður skrifari kærði skerðingu á tjáningarfrelsi sínu?

VIÐ BÍÐUM SVARA!

Athugasemdir

[Helga Guðrún Eiríksdóttir, 15.8.2007 kl. 04:55]

Skoðanir geta aldrei talist rangar, hvaða skoðun sem þú hefur á þeim. Og þetta hefur heldur ekkert með hægri og vinstri að gera. Það væri alltof einföld afgreiðsla á pólitíkinni í þessu dæmi.

[Sævar Einarsson, 15.8.2007 kl. 09:55]

Þvílík snilld ! það býr Bolur í okkur öllum, minnir mann á Svampinn, ætli þetta sé ekki sama pælingin.

[krossgata, 15.8.2007 kl. 11:09]

Góðar spurningar.  Ætli það komi jafngóð svör?

[Elli (IP-tala skráð) 15.8.2007 kl. 16:59]

Nú verður áhugavert að sjá svörin, ef einhver koma. Ég hef haldið mig frá því að fá mér moggablogg af tveimur ástæðum: 1. ég gefst alltaf upp á bloggi og 2: Þetta er undarlegasta bloggumhverfi sem ég hef nokkru sinni upplifað. Fólk sem hefur jafnvel minna að segja en á sumum myspace-síðum (þú, Helga, ert svo sannarlega ekki einn af þeim) og fáránlegasta bloggstjórnun sem ég hef nokkru sinni séð.

Ég hvet hinsvegar alla sem eru með moggablogg að setja spurningalistann efst á síðuna sína. Þá er meiri möguleiki að stjórnendur finni sig knúna til að svara.

Þú situr ekki á skoðun þinni, og það er gott. Mjög gott. 

[Ragnheiður , 15.8.2007 kl. 19:39]

Það verður fróðlegt að sjá hvernig þessu verður svarað já og ef því verður þá svarað

[Guðrún Sæmundsdóttir, 15.8.2007 kl. 22:49]

Ertu búin að fá eitthvað rautt eða gult spjald Helga? Er ég að missa af einhverju?

[Helga Guðrún Eiríksdóttir, 15.8.2007 kl. 23:40]

Já Guðrún, fékk spark fyrir nauðaómerkilegt blogg hér skammt fyrir neðan. (Silly me).  Vil bara vita hvað má og hvað ekki, mér finnst það ekki til of mikils mælst.

[Helga Guðrún Eiríksdóttir, 16.8.2007 kl. 01:02]

Ætli ég lifi það ekki af.  Mér finnst bara sniðugt að sjá þá sprikla í sandkassanum. Nú eru þeir búnir að stroka tvö núll af teljaranum hjá mér hahaha. Rosa "snipers", as anyone cares... Úje, eins og ein flott bloggvinkona mín segir!

[Eva Þorsteinsdóttir, 16.8.2007 kl. 03:35]

Ertu ekki að grínast! Strokuðu þeir 2 núll af teljaranum?????

Váááá ........

Hvað er í gangi?

[Helga Guðrún Eiríksdóttir, 16.8.2007 kl. 03:49]

Það er sko ekki sama hverja manni verður á að gangrýna Eva mín. 

[Helga Guðrún Eiríksdóttir, 16.8.2007 kl. 03:51]

Gagnrýna even..

[Helga Guðrún Eiríksdóttir, 16.8.2007 kl. 03:54]

Gagnríííína.. jahérna, það er orðið framorðið

[Svala Jónsdóttir, 16.8.2007 kl. 09:28]

Góðar spurningar hjá þér. Þetta er nákvæmlega ástæðan fyrir því að ég blogga á blogspot en ekki á Moggabloggi. Engin ritskoðun, enginn vinsældalisti, ekkert bull.

[Árni Matthíasson , 16.8.2007 kl. 11:45]

Ágæta Helga.

Í skilmálum blog.is, sem allir notendur að blogginu gangast undir, stendur svo:

"Notandi samþykkir að miðla ekki ólöglegu efni, áreiti, hótunum, særandi skrifum eða nokkru öðru sem getur valdið skaða. Morgunblaðið áskilur sér rétt til að grípa inn í, bregðist notandi ekki við óskum eða tilmælum um leiðréttingar/lagfæringar á skrifum sem teljast meiðandi eða brjóta gegn skilmálum þessum. Jafnframt áskilur Morgunblaðið sér rétt til að loka síðu notanda, að hluta til eða í heild, án þess að notandi eða þriðji aðili öðlist skaðabótarétt."

Skilmálana má lesa með því að smella á tengilinn "Skilmálar" á forsíðu blog.is.

Umsjónarmenn mbl.is hafa ekki skipt sér af skrifum notenda nema þau brjóti í bága við þessa skilmála. Dæmi eru um að bloggaðgangi hafi verið lokað hjá notanda vegna ítrekaðra eða alvarlegra brota á skilmálum blog.is.

Tengingar á bloggfærslum við fréttir eru alla jafna látnar afskiptalausar nema í þeim tilfellum þar sem skilmálar eru brotnir.

Spurningar 9 og 10 benda til þess að þú gerir ekki greinarmun á orðunum "ristýring" og "ritskoðun". Þér er frjálst að setja upp eigið vefsetur (eða blað) og birta á því hvað sem þér sýnist svo framarlega það stangast ekki á við 73. grein stjórnarskrár Íslands.

Þér er frjálst að birta á bloggsíðu þinni hjá blog.is hvað sem þér sýnist svo framarlega það stangast ekki á við skilmála blog.is.

Með vinsemd,

Árni Matthíasson,
blog.is.

[Guðsteinn Haukur Barkarson, 16.8.2007 kl. 12:41]

Ömmm ... Árni ... hvað var svona rosalega særandi í færzlunni hennar Helgu? Þá á ég við "Silly me" færzluna? Erum við svona miklar teprur að það má ekki fjalla um staðreyndir? Svona var þetta nú á þessum árum sem Helga lýsti ! Þú segir að Helga geri ekki greinarmun á "ritstýringu" og "ritskoðun" - ég sé ekki betur en það komi út hörðustu átt.

[Helga Guðrún Eiríksdóttir, 16.8.2007 kl. 13:36]

Kæri Árni

Bestu þakkir fyrir að hafa gefið þér tíma til að virða mig svars, en það var meira en margir virtust reikna með. Eftir stendur þó að þessar reglur eru svo "loðnar og teigjanlegar" að fáir átta sig á því hvar mörkin liggja. Enda eru þær þverbrotnar af hundruð bloggurum og kommenturum á degi hverjum, eins og öllum er kunnugt.

Það er með þetta, eins og svo margt, að það er vandrataður hinn gullni meðalvegur, enda víðlend túnin beggja megin við. Það hlýtur t.d. að vera mikið matsatriði hvað telst "áreiti" og "særandi skrif" því við vitum að erfitt og allt að því ógerlegt er að haga skrifum sínum þannig að öllum líki og allir séu sáttir.

Undanfarið hefur borið mikið á því að tengingar við fréttir séu rofnar hjá bloggurum, án þess að sjáanlegt sé að reglur hafi verið brotnar á nokkurn hátt, meðan allskonar "skaðræðisskrif" eru látin óáreitt. Það er þetta misræmi sem er að valda mér, og ótal mörgum öðrum, skapvonsku í góða veðrinu.

Þessi ólæsta Íslendingadagbók er þess eðlis að þar skrifar fólk um allt milli himins og jarðar, og ég persónulega hef haft af því ómælda skemmtun að lesa skrif landa minna hérna, skoða skoðanir þeirra og fá að kommenta og taka þátt í skoðanaskiptum og umræðum. Líka þegar fyrirtíðaspennan og brundfyllisgremjan virðist í hámarki og allt titrar af fjöri.  

Ég er eiginlega engu nær eftir svarið. Ég tel það bara sjálfsagða kurteisi að fólki sé í það minnsta bent á að það sé komið yfir strikið og gefinn kostur á að umorða eða breyta skrifum sínum áður en þau eru tekin út eða tengingar rofnar. Á meðan svo er ekki, situr fullt af fólki í skammarkróknum og veit ekki af hverju.

[Árni Matthíasson , 16.8.2007 kl. 14:06]

Sæl vertu Guðrún.

Ábending þín um að gefa beri fólki kost á að breyta færslum í stað þess að rjúfa tengingu er allrar athygli verð. Aftur á móti getur verið erfitt að koma því við ef ekki næst í viðkomandi. Vel má hugsa sér að svo sé um hnútana búið að taka tengingu út tímabundið, en setja svo inn aftur þegar færslu hefur verið breytt. Við skoðum það.

Ágæti Guðmundur.

Ég á erfitt með að átta mig á hvað þú ert að fara þegar þú segir eitthvað í færslu minni koma "úr hörðustu átt".

Að mínu viti er ritstjórn það þegar einhver ákveður ekki að birta eitthvað í miðli sem hann ræður, en ritskoðun er það aftur á móti að koma í veg fyrir birtingu, þar á meðal í öðrum miðlum.

Það er ekkert að færslunni hennar Helgu, en það bárust kvartanir vegna tengingar við tiltekna frétt sem fjallaði um alvarleg veikindi einstaklings og því var ákveðið að rjúfa tenginguna.

[Guðsteinn Haukur Barkarson, 16.8.2007 kl. 18:02]

Árni, ég heiti Guðsteinn - ekki Guðmundur. En það sem ég átti við "úr hörðustu átt" er að talið ekki við fólk áður en þið gerið þetta. Eömailin hljóta að vera skráð í grunn þegar við stofnum okkur sem notendur, það er varla flókið að gera eina select skipun og athuga það. Þess vegna segi ég úr hörðustu átt, þið talið ekki við kóng né prest áður en þið gerið svona, og mætti taka meira tillit til þessara atriða, svo notandi geti brugðist við ykkar óskum og fái færi á því.

[Helga Guðrún Eiríksdóttir, 16.8.2007 kl. 18:08]

Og ég hef aldrei verið kölluð Guðrún fyrr.

[Linda, 17.8.2007 kl. 00:03]

Ja hérna, þokkalegt þetta.  Ég fæ ekki skilið hvernig þetta er réttlætanlegt.  Ætli ég hafi einhvern tíman verið rofin? Helga mín sið þig heilshugar. Greinin sem er umrædd var bara fyndin og ekkert við hana sem er ekki satt.  Því miður.

[Magnús Geir Guðmundsson, 17.8.2007 kl. 01:14]

Seisei, frændi minn í fjórða-fimmta og gamall samherji úr tónskriftum fyrr á árum, settur í að svara þér!Afi hans í föðurætt var Árni Kristjánsson píanóleikari með meiru!Ef ég man þetta rétt, þá var svo langalangafi Árna, Gunnar Benediktsson, bróðir langömmu minnar Kristbjargar. En æ, þetta er nú ekki alveg nógu gott mál og skil vel gremju þína, "Nátthrefnunnaraf Nottingham"!

[Helga Guðrún Eiríksdóttir, 17.8.2007 kl. 01:23]

-Átti hann vanda til þess líka að "misnefna" fólk?

[Magnús Geir Guðmundsson, 17.8.2007 kl. 12:42]

Hahahaha! EF ég nú bara hefði hugmynd um það! En Árni hefur verið svo upprifin af "Dauðaafmæli" Elvisar í gær, að hann hefur ekki verið með hugan við efnið er hann svaraði GUÐSTEINI og HELGU GUÐRÚNU!?

[Guðrún Sæmundsdóttir, 17.8.2007 kl. 20:36]

Þetta er sú albesta auglýsing sem þú gast fengið En mér finnst greinin skondin, og ekki persónuleg gagnvart sjúklingnum, en það eru mismunandi sjónarhorn hjá fólki, En blessuð vertu ekki taka þetta nærri þér

[Helga Guðrún Eiríksdóttir, 18.8.2007 kl. 01:03]

Ég held að Gunnar þessi langi hafi verið forfaðir hans í móðurætt, Magnús, því Kristján afi var Kristjánsson. En það er nú önnur saga. Og af góðu fólki er hann kominn pilturinn, þó nöfnin vefjist fyrir honum.  

Já, kæru vinkonur, Linda og Guðrún, þetta er alltsaman "vatn undir brúnni" eins og þeir segja hér, ég tek allt svona sem hnífsstungu í hjartastað í eitt augnablik, og bregst við af ofurkappi þess sem á er ráðist, en það er líka fokið útí veður og vind löngu áður en haninn galar góðan dag.

Jóni, Sævarnum, Gátunni, Skúlanum, Ellanum, Hryssunni, Jarnari, Evunni, Svölunni, Guðsteini og Magganum þakka ég líka fyrir vinskap og samstöðu og sendi knús frá Skíriskógi.