Sumir bókstaflega skíta peningum

Hérna er örlítið dæmi um skemmtilega húmoríska frétt um fremur óskemmtilegt mál. Fréttin hefur fyrirsögnina: Með yfir 110 þúsund krónur í endaþarmi. Og þar sem hundraðkallarnir eru ekki lengur pappírspeningar, og hann var með yfir 110 þúsund krónur í borunni, þá get ég ekki dregið aðra ályktun en þá að hann hafi verið með klink þarna uppi líka.  

"Maðurinn var ákærður fyrir að stela Frelsis-símakorttum fyrir GSM-síma fyrir að andvirði 360 þúsund krónur í verslun á Sauðarárkróki en þar starfaði hann við ræstingar. Þá stal hann yfir 110 þúsund krónum í reiðufé af heimili í bænum en lögregla fann peningana í endaþarmi mannsins við líkamsleit. Maðurinn játaði brotin fyrir dómi og tekið var tillit til þess við ákvörðun refsingar."

http://www.visir.is/article/20080908/FRETTIR01/520371750

Segið svo að það sé ekki hægt að skíta peningum!

Athugasemdir

[Árni Gunnarsson, 16.9.2008 kl. 23:11]

Mest er nú rætt um það á Króknum hver hafi tekið að sér þessa leit?Sumir spyrja líka hvort peningunum hafi verið tortímt eða hvort þeir hafi verið hreinsaðir og settir í umferð?

Og ef svo er þá spyrja svo aðrir hvort lögreglan hafi kannski gert sig seka um peningaþvætti?

[Helga Guðrún Eiríksdóttir, 21.9.2008 kl. 15:05]

Góður, Árni! Mér fannst þetta bráðfyndið. 

[Helga Guðrún Eiríksdóttir, 25.9.2008 kl. 22:27]

Takk, Binni. Mamma var að velta fyrir sér hvort hann gæfi til baka..