Auðvitað virðir fólk ekki flugbannið

... þetta eru Íslendingar og vísasta leiðin til að fá fólk á staðinn er að banna aðgang.

 Flugbann getur reyndar verið ýmiskonar. Nú um helgina datt Rósa mín aldeilis í lukkupottinn og vann vikudvöl í sumardvöl hjá KFUM&K í Kaldárseli. Það varð heldur betur kátt í höllinni og nú átti að hafa hraðar hendur til að koma stelpunni heim, því dagskráin átti að hefjast á mánudag.

 En Adam var ekki lengi í Paradís því ódýrasta farið heim á sunnudag og til baka um næstu helgi var 61 þúsund krónur... og vegna þess að farþeginn er bara 8 ára þá bættust við fimm þúsund krónur fylgdargjald hvora leið. Fargjaldið fyrir krakkann var þá komið í 71 þúsund, og þá var ennþá ótalinn kostnaðurinn við tvær ferðir héðan til London til að koma henni á vélina og sækja að viku liðinni.  

 Það kostaði sem sagt ekki undir 80.000 krónum að koma stelpunni til Íslands. Jafnvel þó hún hefði unnið vikudvöl í íslensku sveitinni að jafnvirði 25.000 krónur þá var kostnaðurinn við farið orðinn of hár til að við teldum gerlegt að leyfa henni að fara.

 -Hvað ætli kosti að koma bangsanum aftur heim til sín? -Ætli þeir sem borga undir dýrið séu með svona ferðasjóð fyrir fleiri sjaldséð dýr sem eiga ekki fyrir farinu? -Ætli Rósin geti sótt um? Hún er örugglega síst hættuminni og að minnsta kosti jafn óútreiknanleg...

 En ég vona að bangsinn komist heim til sín heill á húfi. Eigi góða ferð og að aungvir Íslendingar né annað mannfólk skaðist við gerð myndarinnar um hana. 

 En Rósin þarf sennilega að safna svolítið lengur...

 

Björgunaraðgerðir undirbúnar

Athugasemdir

[Jón Aðalsteinn Jónsson, 17.6.2008 kl. 15:58]

Hefðir átt að senda hana á tónleikana með Björk Iceland Express var að bjóða miða á 10000 kall en það er sennilega ekki fyrir börn sem að vilja koma heim

[Rósa Aðalsteinsdóttir, 21.6.2008 kl. 16:51]

Sæl Helga mín.

Lífið leikur ekki alltaf við okkur Rósirnar. Við þurfum oft að dansa á Rósarstilkum eins og aðrir.

Áttu dóttir sem heitir Rósa? Það er nú kúl ef svo er.

Guð veri með þér

Kær kveðja/Rósa

[Helga Guðrún Eiríksdóttir, 21.6.2008 kl. 18:45]

Já vinkona, rósin mín heitir Rósa Signý og hún er sko kelling í krapinu get ég sagt þér!  Hún var nú svo heppin að Sólrún í Kaldárseli var svo ofsalega elskuleg að bjóða henni að skipta á vikum og koma öðru hvoru megin við verslunarmannahelgi í staðinn. Og mikil er nú tilhlökkunin, maður minn lifandi!

[Rósa Aðalsteinsdóttir, 21.6.2008 kl. 19:01]

Æðislegt og ég er hreykin að eiga nöfnu sem þú átt. Held ég sé að rifna, ég er svo montin.

Kær kveðja/Rósa

[Helga Guðrún Eiríksdóttir, 21.6.2008 kl. 19:18]

 Hérna er spes kveðja til nöfnu á Íslandi!

 *Knús* frá mömmunni líka!

[Rósa Aðalsteinsdóttir, 21.6.2008 kl. 23:03]

Sæl aftur.

Mikið ert þú flott að finna út myndir og setja inn texta eins og inní hjartað. Já og svo skrifar Rósarstilkurinn á bréfið nafnið okkar Rósu. Þetta er glæsilegt.

Meiriháttar flott.

Kærar þakkir. RÓSA