Bigger - Better - Faster - More

Það var dagur hinna villtu blóma og þar með Helgudagur. Ég er voða mikið villi-allt mögulegt, þannig hefur það alltaf verið, þannig mun það alltaf verða. Aldrei verð ég villtari en þegar einhver reynir að raða mér í vasa. Þú rífur ekki upp villiblóm og ætlast til að það blómstri og ilmi afskorið, það einfaldlega visnar og deyr.

 Það hefur verið mikill tætingur í mér undanfarna daga. Og öfugt við marga aðra þá finnst mér betra að leita inn á við þegar mikið gengur á. Ég finn ekki hjá mér þessa "trúnó" þörf sem mér skilst að venjulegar konur séu að springa af undir svipuðum kringumstæðum. Það hentar sumum en ekki mér. Ég hef kosið að líta á úrlausnarefni sem verkefni fremur en vandamál og þegar þessháttar vinna er í gangi þá vita kunnugir að það er ekkert persónulegt við þögnina mína.

 Fólk leitar sér mismundandi leiða til að fá útrás fyrir tilfinningar sínar. Það er þær tilfinningar sem þurfa út, sumar eru fínar á sínum stað. Ég á mína uppáhalds aðferð en næst henni kemur tónlistin, í öllum þeim myndum og litum sem tilfinningar augnabliksins eru að mála þá stundina. 

 Núna í kvöld sótti ég í lag sem ég "átti" fyrir 14 árum og minnir mig á fjórar áttundir í tilfinningatónverknum og allt litrófið að auki í dansi hjartans milli dauða og dásemda.

  http://www.youtube.com/watch?v=LiDpMfEeo3Q&feature=related    (spilist eins hátt og nágrennið þolir)

 

Dagur hinna villtu blóma

Athugasemdir

[Hrönn Sigurðardóttir, 16.6.2008 kl. 07:26]

Nágrennið þolir enga ofsaspilun....

....ekki akkúrat núna þannig að ég ætla að kíkja aftur síðar ;) 

[Helga Guðrún Eiríksdóttir, 16.6.2008 kl. 08:37]

Nágrennið yrði EKKI SPURT ef þú kæmir á svæðið elskan!  Þá yrði reyndar slegið upp veislu.. þá fengi ég líka tækifæri til að bjóða öllum sætu strákunum heim... þá þá þá...

[Anna Einarsdóttir, 16.6.2008 kl. 09:37]

Flott lag hjá þér Helga "Villimey".  

Ég átti einu sinni hálfvillta en flotta hryssu sem hét Villimey. 

[Lilja Guðrún Þorvaldsdóttir, 16.6.2008 kl. 23:30]

 Það má hlusta á þögnina, þögn er músik. 

[Magnús Geir Guðmundsson, 17.6.2008 kl. 00:15]

Þá, þá þá hvað?

4 Non Blondes annars flott og kraftmikið stelpnaband, sem þó stóð ekki lengi við á frægðarsviðinu. Söngkonan og alltíöllu, man ekki nafnið núna, hefur þó held ég gert það gott síðar sem lagahöfundur fyrir aðra m.a.

Þrusugott lag já sem elst hefur ágætlega.

[Jenný Anna Baldursdóttir, 17.6.2008 kl. 14:45]