VÍSA TIL FÖÐURHÚSA OG FÖÐURLANDS...

Hér í uppsveitum Nottinghamskíris náði hitinn að komast uppí ótrúlegar átján gráður í dag og enn skrítnara er að þennann sama dag telur sólarhringurinn 25 klukkustundir. Á meðan fennir í hvítakaf á klakanum og allt er í fjöri samkvæmt hefð.

Datt þá í hug örlítið vísukorn sem ég læt bara flakka. Lofa að hrekkja ekki oft í bundnu máli, enda aðrir betur vaxnir í svoleiðis:

Úti voru átján gráður

Allsráður að vetri hló

Auraríkur, fannafjáður

Flýgur landinn út í mó.

 

RNF: Hálka stærsti þátturinn í því að flugvélin rann út af braut

Athugasemdir

[Helga R. Einarsdóttir, 28.10.2007 kl. 17:18]

Sæl nafna mín - ég átti eftir að þakka þér fyrir komuna og góð orð til mín. Mig langaði líka að fá að vita hver sveitin þín er - varla þarna í uppsveitinni í ríki drottningarinnar? kv.

[Magnús Geir Guðmundsson, 28.10.2007 kl. 17:32]

Sæl ljúfan!

Hér er nú bara sól og blíða já og funheitt í kolum, tveggja stiga hiti!

Einhverja daga náði hann meira að segja 18 stigum fyrr í mánuðinum!

Annars eitt lítið korn handa þér sem ég man frá vopnaskaki aftur til ´95 held ég bara!

hákon Aðalsteins varpaði fram þessum fyrriparti.

Nú er úti blíður blær,

blámi svífur vötnum yfir.

Séra Hjálmar J. botnaði snarlega.

Jesús grætur, heimur hlær,

Halldór blöndal ennþá lifir!

hákon lét að sjálfsögðu í ljós óánægju sína með botninn, "Ljótt af hjálmari að fara svona ílla með fallegan fyrripart"!

[Helga Guðrún Eiríksdóttir, 28.10.2007 kl. 19:11]

Helga, sveitin mín er Skagafjörður. Og þó að stelpan fari úr sveitinni, þá fer aldrei sveitin úr stelpunni.

Magnús, það eru margar góðar til eftir þessa "drengi" báða, enda húmoristar fram í klær.

[Magnús Geir Guðmundsson, 28.10.2007 kl. 20:28]

Jamm, mín kæra sveitas´tulka, kannast nú við það!

En datt þetta sísvona í hug er veðursældina bar á góma.

Sr. Hjálmar sleit annars sínum barnsskóm hér í bæ og hér búa sömuleiðis margir nánir ættingjar Hákonar, sem ég hef þekkt í gegnum tíðina, m.a. Haffi Helga systursonur hans og Sída systir hans!

[Margrét St Hafsteinsdóttir, 28.10.2007 kl. 21:03]

Kalt og hvítt hér í dag, en enginn fauk útí mó Takk fyrir kveðjuna á minni síðu. Mjög falleg kveðja. Knús

[Benedikt Halldórsson, 28.10.2007 kl. 22:13]

Ég vær næstum dottinn í morgun á svellinu.

[Helga Guðrún Eiríksdóttir, 28.10.2007 kl. 22:32]

Eru ekki seldir mannbroddar ennþá? (Mér hefur alltaf fundist þetta alveg óskaplega fyndið orð)

[Benedikt Halldórsson, 29.10.2007 kl. 00:36]

Já, mannbroddar? Þetta er stórskrýtið orð þegar ég hugsa um það.

[Magnús Geir Guðmundsson, 29.10.2007 kl. 18:47]

Jamm, allt svellandi í svellóhöppum sunnan heiða, fastir liðir eins og venjulega!

En í Nottinghamskífi detta´menn nú lítið, er það ekki, nema svona reglulega íða!?

[Helga Guðrún Eiríksdóttir, 29.10.2007 kl. 18:54]

Ég hætti mér yfirleitt ekki á aðal ídettustaðina (stórborgin á kvöldin) og er nærri hætt að nenna á lókal pöbbana eftir að þeir bönnuðu mér að reykja með hvítvínsglasinu. En snjór er hér sjaldgæft fyrirbæri.

[Jóhann Páll Símonarson, 29.10.2007 kl. 23:58]

Heil og sæl Helga Guðrún.

Ég þekkti félaga sem var að koma með þessari vél frá Tyrklandi hans lýsing var ekki góð. honum fannst þotan koma of hratt inn til lendingar, og viðbrögð áhafna ekki góð. það var ekki fyrr en öryggisvörður birtist að kom á faglegum ummönnum um farþega sem voru að koma til landsins.

Jóhann Páll Símonarson.

[Helga Guðrún Eiríksdóttir, 30.10.2007 kl. 00:24]

Hef rétt aðeins heyrt í farþegum og talað við einn af flugmönnum sem þarna áttu í hlut. Mér skilst að meira hafi verið gert úr þessu en efni voru til, enginn slasaðist og enginn lét lífið. Og eins og flugmaðurinn sagði réttilega að ef það hefði verið rétt sem fram kom í fréttum að vélin hefði skoppað 15 metra í loft upp eftir nema við jörð í lendingu, þá hefðum við ekki verið að tala um að hún hefði skautað útaf brautarenda, heldur mannskæða brotlendingu.

Vil annars nota tækifærið og benda þeim sem eru að skreppa hingað inn til að njósna um nýja færslu sem ég lofaði þeim sem kröfðu mig um afstöðu mína til "útlendinga" (í öllum litum), að ég er farin að tjá mig um þau mál á síðunni hans Jóhanns Páls hér að ofan. Ætlaði að setja inn færslu hérna um sömu mál en það er óþarfi að endurtaka sig víða. Á líka pottþétt eftir að skrifa um þessi og hliðstæð mál hérna á síðunni minni í nánustu framtíð.

[Fríða Eyland, 31.10.2007 kl. 22:23]

[Árni Gunnarsson, 1.11.2007 kl. 05:32]

Helga mín!

Af því þú talar um frost og af því þú settir vísu eftir Halla Hjálmars á bloggið mitt þá dettur mér nú í hug vísan hans Halla:

Gerðu ekki grín að mér,

góða hef ég kosti,

þó mér standi eins og er

ekki nema í frosti.

Með ljúfum kveðjum!

[Helga Guðrún Eiríksdóttir, 1.11.2007 kl. 06:04]

Hversu súrt sem sinnið finn

sólarlaust og frosið

Ávallt tekst þér Árni minn

að endurvekja brosið. 

------------------------------

Með ljúfum kveðjum til baka í fjörðinn okkar fallega!