HREINT ÓTRÚLEGUR BJÁNASKAPUR..

... eins og svo margt annað hjá þessum apakattadýragarðsbörnum sem sett eru í það djobb að hafa vit fyrir fullorðnum Íslendingum. Hér í Englandi ætluðust fávísir stéttbræður apanna til að fólk hætti bara að reykja og allir myndu sitja sælir og sáttir við sínar kollur á umhverfisvænum hverfispöbbunum. Það var auðvitað misreiknað eins og flest hjá þessum yfirborguðu jakkafatatrúðum. Þeir pöbbar sem ekki hafa bjórgarða og útihúsgögn húrra nú á hausinn hver af öðrum og götudrykkja og útifyllerí fullorðinna horfir til vandræða. Svo ekki sé nú minnst á sóðaskapinn af filterum og glerbrotum sem nú er aðal dekkorinn í kringum staði sem áður voru spikk og span. Svona "nanny state" fíflagangur er ekki til annars en að pirra fólk sem annars er seinþreytt til vandræða.

 (Myndir: 1. Mack nágranni okkar brosir út að eyrum, enda með kolluna sína. Hann reykir ekki og segist vera orðinn einmana. 2. Við hjónin að njóta góðra veitinga á matsölustað meðan ennþá mátti reykja innandyra. Núna eigum við Jameson á heimabarnum.)  

Bannað að taka drykki með sér út af veitingastöðum

Athugasemdir

[Linda, 1.8.2007 kl. 18:56]

Sem ex-smoker þá er ég ánægð með bannið, og þar sem ég fer lítið út að jamma þá er það algjör hræsni af minni hálfu Nú sem ex smóker þá man ég hvernig það var að reykja úti í kuldanum grrrrr og ekki batnar það núna í bænum hér í RVK.  Ég er alveg viss um það að ef ég reykti enn þann dag í dag þá væri ég verulega fúl út í þetta fasista lið sem er á góðri leið með að bann fólki að reka við (smá ýkja hér) Ég hef heyrt um lofræstikerfi sem eru svo öflug að það sogi í sig árkollur viðskiptavina, og þeir sem reykja ekki verða ekki varir við reyk eða ólikt enn hlægja sig vitlausa af hárlausu reykingar fólki  enn svona er hægt að halda endalaust áfram.  Sem ex-smóker hefði ég sko getað náð mér í kaffi sjálf eða bjórkönnu (ef ég drykki bjór) svo að starfsfólkið hefði ekki þurft að anda að sér mínum ósið og óþvera svo framarlega að loftræstikerfið væri gott.

Núna er ég svo hræðileg að ég er alsæl með að geta kíkt á kaffihús og ekki kafnað úr reykinga fílu annarra.  Veit algjör hræsni..isssss ætti bara að skammast mín, enn ég er bara svo glöð að vera laus við þetta vandamál.

knús.

Linda.

[Helga Guðrún Eiríksdóttir, 1.8.2007 kl. 19:28]

Mikið er ég glöð fyrir þína hönd að vera laus við reykinn. Vildi ég gæti sagt það sama, en ég hef verið fíkill í yfir 30 ár. Auðvitað ertu enginn hræsnari Linda mín og þaðan af síður ættirðu að skammast þín fyrir dugnaðinn. Ég hló dátt að lýsingunni á hárkollufokinu og sá það alveg fyrir mér.