Ég á afmæli á bjórdaginn

Ætli þeir megi ekki senda mér afmæliskassa hingað út til Englands?

Ég skal smakka það rækilega og skrifa svo umsögn á bloggið.

Láta vita hvernig smakkast.

Nýr bjór kemur á markað um helgina

Athugasemdir

[Linda, 28.2.2008 kl. 15:53]

nú hvenær er "bjórdagur" ég er svo innilega lítið fyrir bjór að ég fatta bara ekki samhengið tíhí, en hvað sem því líður þá er bara tilvalið tækifæri að óska þér innilega til hamingju með afmælið

[Gummi (IP-tala skráð) 28.2.2008 kl. 16:01]

Er þetta ekki fyrsta bjórauglýsingin ;)

[Markús frá Djúpalæk, 28.2.2008 kl. 16:13]

1.mars... er ekki rétt að koma bara með kassa og færa þér

[Steingrímur Helgason, 28.2.2008 kl. 16:18]

Flytja bjór til Bretaveldis í ammælisbjórinn á þér ?

[Magnús Geir Guðmundsson, 28.2.2008 kl. 17:34]

Ekki að spyrja af "Haugnum" Steingrími, orðsnjall andskoti er hann haha!

En á hinum fyrsta bjórdegi ætlaði ég nú reyndar að gista höfuðborgina og fara að sjá blúsmeistarann John Mayall annars góðkunningja minn Eika Hauks og þáverandi kumpána í rokksveitinni Artch á sjálfu bjórdagskvöldinu!

En komst ekki suður fyrr en á bjórdeginum, ekki flogið vegna snjókomu, svo ég misti af meistaranum mikla!

Og nú eru semsagt að verða 19 ár liðin ekki satt!?

En mín kæra, ekki færðu bjór frá mér, en ef þig langar í einvherja músík frá gamla landinu, skaltu hóa í mig með pósti ef þú vilt.vegar, sem hélt þar tónleika deginum áður, en

[Magnús Geir Guðmundsson, 28.2.2008 kl. 17:38]

Þarna datt nú út, að ég ætlaði annars vegar að sjá Mayall og svo Eika og Co. svo það sé nú á hreinu.

[Yngvi Högnason, 28.2.2008 kl. 21:58]

Ertu farin að smakka það?

[Flower, 28.2.2008 kl. 22:43]

Skál Helga! Og til hamingju með afmælið.

[Helga Guðrún Eiríksdóttir, 29.2.2008 kl. 00:46]

Skál blómið mitt og takk öllsömul, en afmælið er ekki fyrr en á laugardaginn og er svosem alveg sérdeilis ómerkilegt... hvorki tugur né hálftugur... bara svona verið að brokka inní efri hlutann af fertugsaldrinum... svona ótugt eiginlega.

Linda: 1. mars, 1987 var áfengur bjór leyfður til sölu og neyslu á okkar ástkæra foreldralandi. Fagnaðarlátunum hefur enn ekki linnt. Dagsins hefur síðan verið minnst árlega með árslöngum hátíðarhöldum, og hann nefndur Bjórdagurinn. Þar sem þessi merkisdagur lenti á mínum annars ómerkilega afmælisdegi, þá hef ég lapið það svolítið upp mér til framdráttar þegar aðstæður hafa leyft. Ef þú notar ekki möguleika þína ertu að misnota þér aðstæður þínar!

Gummi: Nei, hvorki sú fyrsta né sú síðasta. Bara ein af þeim.  (Borga, bruggarar, borga! Ég skal ímeila ykkur reiknisnúmerið mitt og svo hittumst við í London og skálum fyrir beggja hag ;) )

Markús: Þú ert maður að mínu skapi! Vertu velkominn til Nottinghamskíris, það yrði tekið vel á móti þér.

Yngvi:

Steini: Aldrei að vita nema sá útflutningur yrði Íslendingum til hagsbóta þegar til lengri tíma er litið...

Magnús: Takk fyrir gott boð kæri vinur, en ég safna ekki músik og á auk þess allt sem mig vantar og mikið meira til. Auður verður ekki í aurum talinn en fjölskyldan okkar og ástvinir eru ómetanlegir. Ég er afskaplega ríkur útlendingur.  En ég er líka voða hagsýn... hehe.. hafði ætlað mér að senda þér plötu fyrir ljóðabókina góðu sem þú sendir mér í fyrra, en mér fannst hálf asnalegt að borga meira í burðargjald en andvirði pakkans, svo ég ákvað að senda þér frekar nokkrar plötur með ferð sem fellur heim eftir 2 vikur. Það falla alltaf ferðir áfram norður.

Sé núna hvað ég er ennþá mikil sveitastelpa... Það er ágætt, ekkert að því. Er það nokkuð...? 

Yngvi: Mér var kennt að segja aldrei að eitthvað væri vont fyrr en ég hefði smakkað. Mér þykir fátt vont.

[Markús frá Djúpalæk, 29.2.2008 kl. 15:44]

Var bjórdagurinn ekki 1. marz 1989? Nottinghamskíri já.... þar er örugglega gott að búa. Mér leist bara nokkuð vel á þegar ég heimsótti þetta fagra skíri snemma á þessum áratug....

[Helga Guðrún Eiríksdóttir, 29.2.2008 kl. 16:31]

Jú auðvitað er það hárrétt hjá þér Markús, skil ekki í mér að hafa það ekki rétt eftir.

[Magnús Geir Guðmundsson, 1.3.2008 kl. 00:30]

Nei gæskan, sannarlega ekkert að því að kannast við og vera stolt af sínum uppruna! Finn alltaf líka ilminn af töðunni um leið og ég kem í heimsókn haha!

En hvað ertu að bralla með að ætla að koma á mig plötum, ætlaðist nú ekki til neins í staðin, nema hvað að þú ættir á hættu kossa og faðmlög við tækifæri!